Concurso interestelar. Semana 2.

Ola nenos/as! O venres pasado rematou a primeira fase deste concurso e anunciáronse os gañadores/as dos 3 primeiros premios. Esta semana comeza a seguinte fase que durará ata o 25 de marzo, establecéndose un enigma cada semana. Nesta non buscamos un libro senón un autor. Usa as enciclopedias e segue as pistas para adiviñar o nome e apelido desta personaxe.

PREGUNTA 1: De quen falamos?

PREGUNTA 2: En que ano naceu?

PREGUNTA 3: Cantos anos ten?

1.- É a persoa de sexo masculino que aparece na foto.

2.- Naceu o 8 de xaneiro en Oxford, viviu en Londres (Gran Bretaña).

3.- Ten dúas irmás máis novas e un irmán adoptado.

4.- Graduouse en Física no 1962 e fixo o postgrado no Trinity Hall de Cambridge, onde se doutorou.

5.- Adícase á Física, Cosmoloxía, Matemática…Visitou Galicia invitado polo físico Jorge Mira e estivo en Fisterra.

6.-Casouse e divorciouse en dúas ocasións. Ten tres fillos (Robert, Lucy e Timothy) e dous netos.

7.- Antes dos 20 anos empezou cos síntomas da ELA (esclerose múltiple amiotrófica), enfermidade que lle fai perder o control neuromuscular. Pero non afecta á intelexencia.

8.- É autor de libros como:”A Brief History of Time:From the Big Bang to Black Holes” (1988), sobre os buratos negros.

9.- Recibiu moitos premios, entre eles, a Medalla Albert Einstein (1979); o Príncipe de Asturias (1989) e o Premio Fonseca da Universidade de Santiago de Compostela (2008)…

10.- O seu nome apelido empeza polo H.

Como sempre, terás que dar resposta ás tres preguntas nun comentario nesta entrada. Non te esquezas de poñer o teu nome e o curso.
Todos/as a participar no concurso interestelar!