Durante o luns e o martes os nenos/as de 5º E.P. estiveron dirixindo e ensinando aos nenos/as dos cursos de 3º-4º-5º-6º que quixeron aprender a realizar unha man robótica nos recreos de ambos días.
O pasado venres entregamos uns agasallos aos lectores que máis libros levaron prestados da biblioteca, que nesta ocasión foron Sarai (3º E.P.) e Ángel (2ºE.P.)
Na última edición do 2016 dos Venres son curt@s temos unha obra na que pensaremos sobre a importancia do traballo en equipo, sobre a colaboración para acadar obxectivos comúns fronte a competitividade e a individualidade, que neste caso provocan que dous dos protagonistas non acaden as súas metas. As veces o máis sinxelo triunfa. |
| By Mysticsartdesign Licenza CC0 DP |
Nesta ocasión a mestra Vero e os nenos/as de 1º de E.P. preséntannos un taboleiro para traballar as relacións de parentesco e familiares, xunto coas personaxes dos Bolechas.
O pasado venres todos os grupos do centro, agás 4º de Educación Infantil, visitamos diferentes espazos adicados ao cine na Coruña dentro da programación do PDI De espectadores a protagonistas, no que aprenderemos sobre distintos aspectos relacionados co cine.
O pasado mércores visitou a biblioteca Paco Nogueiras xunto coa súa maleta chea de contos para os nenos/as de Educación Infantil, por cortesía da Editorial Kalandraka.
"Un vendedor ambulante chega ao pobo ofrecendo unha extraordinaria mercancia..." Este será o comezo da curta desta semana producida por Primer Frame Escuela de Animación finalista na 27 edición dos premios Goya na categoría de Mellor curtametraxe de animación.
Proposta de xogo que combina ao escornabot e o libro "O monstro de cores" de Anna Llenas co que traballaredes as emocións a través da robótica. O taboleiro elaborárono as mestras Alba e Alicia xunto cos nenos/as de 5º de Educación Infantil. Xunto coa imaxe do taboleiro tamén incluimos as instrucións do xogo.
Durante esta semana tivemos tres sesións de contacontos, xa que aos días habituais de "Hoxe lenos..." e "Nais e pais de conto", engadimos o luns outra sesión de contos representados polas familias. Queremos agradecer e felicitar a todas as familias que están a participar nesta edición de "Nais e pais de conto", por axudarnos a fomentar a lectura entre o alumnado do centro. Tamén aproveitamos a ocasión para felicitar aos nenos/as, así como aos seus titores/as, polas obras que están representando os martes en "Hoxe lenos..."
O pasado 24 de outubro, coincidindo coa apertura de biblioteca e como punto de inicio do PDI De espectadores a protagonistas, os nenos/as de Educación Infantil participaron nun obradoiro no que tiñan que elaborar un retrato compoñendo unha cara con anacos dos rostros de diferentes actores e actrices.
Esta é unha historia fabulada que reivindica rol femenino na sociedade, combate os esteriotipos sexistas e denuncia a discriminación. Porque aínda necesítanse obras sobre de coeducación e igualdade.
Esta semana vimos de rematar a zona taller na que podedes xogar cos escornabot, debuxar, e proximamente crear diferentes obxectos.
A continuación presentámosvos o plano interactivo da biblioteca, que está en proceso de completarse e que vos servirá de guía de acceso.
Título: Pequeña & Grande. Marie Curie.
Este venres volven as curtas á biblioteca cunha obra na que comprobaremos que sempre é mellor colaborar na procura dun obxectivo común, que traballar de xeito individual. Divertirédevos moito con esta curtametraxe de Disney - Pixar.
A semana pasada comezou o programa "Hoxe lenos..." no que diferentes clases do centro contan historias, dramatizan... tendo como espectadores/as a outros grupos. A actividade desenvolverase durante o tempo de hora de ler dos martes.
"Os venres son curt@s" programa esta semana unha curtametraxe que faranos reflexionar sobre o noso comportamento coas persoas que son diferentes nós. Un xeito divertido de comprobar que todos/as somos diferentes, pero que debemos respectarnos. 
A mestra Lucía de 1º de E.P. creou un taboleiro para traballar as emocións a través dos escornabot. Presentámosvos as instrucións e o taboleiro para que xoguedes e aprendades no recuncho "Faino ti mesmo". |
| Vía Pixabay Licenza CC0 DP |
Esta semana comezamos a celebración de "Novembro mes da ciencia en galego" coa exposición nos andeis situados na entrada de Educación Infantil e 1º-2º de E.P. dos escornabots e libros relacionados cos robots e as máquinas.
Hoxe venres anúnciase tempo parcialmente nubrado na biblioteca, xa que dentro da actividade "Os venres son curt@s" esta semana programamos unha curtametraxe na que se promoven actitudes optimistas, o respecto polos diferentes puntos de vista, aprender a aceptar as características dos demais e as diferencias que poidan existir, entre outros.
Porque este venres comezamos unha nova actividade na que queremos fomentar a cultura audiovisual e diferentes valores a través de distintas curtametraxes que proxectaremos na biblioteca todos os venres na hora do recreo. Por este motivo nomeamos esta actividade como "Os venres son curt@s".
Os nenos/as de 4º e 6º de Educación Primaria visitaron a B.P.M. Rego da Balsa de Carballo. Durante esta visita coñeceron as instalacións, as diferentes seccións, a clasificación dos fondos, procura de fondos a través de internet, entre outros aspectos.
Hoxe estamos de festa por partida dobre, por un lado abrimos a nosa biblioteca para que a visitedes nos recreos, por outro tamén celebramos o Día da Biblioteca. Por este motivo e utilizando o pregón de Ledicia Costas para este día os nenos/as de 4º de E.P. realizaron un vídeo co que tamén aproveitamos para dar o pistoletazo de saída ao Proxecto Documental Integrado "De espectadores a protagonistas" que estará adicado ao cine. |
| BY Peggy_Marco Licenza CC0 DP |
 | ||
| BY ArtsyBee Licenza CC0 DP |
Durante estas semanas estivemos tamén traballando cos escornabots nas aulas e a continuación deixámosvos varios titoriais de montaxe.
Xa temos data para a apertura da biblioteca, e preparádevos, porque será o 24 de outubro, que ademais é o Día da Biblioteca. Estamos organizando diferentes actividades para conmemorar este día e tamén para dar o pistoletazo de saída ao proxecto deste curso adicado ao cine e que xa ten nome "De espectadores a protagonistas".
Este curso introducimos desde a biblioteca os libros electrónicos, que como ben sabedes son uns dispositivos de menor tamaño e peso que algúns libros, polo que pode transportarse con facilidade, e que serven para almacenar milleiros de libros, o que nos permitirá ler en calquer lugar sempre que queiramos. Non pretendemos substituir ao libro tradicional, senón que queremos facilitar outro medio de lectura, ademais de permitir o acceso a este tipo de recurso a todo o alumnado de primaria do centro.
Leoteca está de volta!
 |
| Licenza CC0 DP |
Os nenos/as de 5º de E.P. estiveron hoxe coñecendo aos escornabots, que se nos facilitaron desde o Proxecto piloto "Escornabots na biblioteca escolar", do que somos un dos 20 centros seleccionados de Galicia.
Este é o percorrido polo Museo DinosauRus no que o alumnado presentou o traballo que realizaron durante todo o curso a través da exposición "Unha viaxe ao pasado". Os nenos/as presentaron nos corredores e nas aulas as monografías, debuxos, textos e demais produtos que xurdiron durante o desenvolvemento do PDI DinosauRus.
A videografía que fixeron os nenos/as da aula de 5º de Educación Infantil (4 anos), na que explican o que aprenderon sobre o dinosauro que escolleron para profundizar, trata neste caso sobre o brachiosauro. Tamén nos ensinan o seu libro máxico e como elaboraron o seu propio dinosauro.
