21 de dec. de 2016

Os nosos heroes

Coa finalización do trimestre queremos agradecervos a todos/as a implicación no desenvolvemento das diferentes actividades que vos vimos propoñendo desde a biblioteca durante os últimos cursos, converténdovos en auténticos heroes para nós. Moitas grazas.

20 de dec. de 2016

Obradoiro na zona "Faino ti mesmo" (e arredores)

Durante o luns e o martes os nenos/as de 5º E.P. estiveron dirixindo e ensinando aos nenos/as dos cursos de 3º-4º-5º-6º que quixeron aprender a realizar unha man robótica nos recreos de ambos días.

Premios trimestrais

O pasado venres entregamos uns agasallos aos lectores que máis libros levaron prestados da biblioteca, que nesta ocasión foron Sarai (3º E.P.) e Ángel (2ºE.P.)

16 de dec. de 2016

A beleza do sinxelo

Na última edición do 2016 dos Venres son curt@s temos unha obra na que pensaremos sobre a importancia do traballo en equipo, sobre a colaboración para acadar obxectivos comúns fronte a competitividade e a individualidade, que neste caso provocan que dous dos protagonistas non acaden as súas metas. As veces o máis sinxelo triunfa.

15 de dec. de 2016

Historias marabillosas agardan por ti!

By Mysticsartdesign Licenza CC0 DP
Aproveitando o próximo período vacacional queremos propoñervos algunhas lecturas coas que coñeceredes a novos personaxes, visitaredes outros lugares, viaxaredes no tempo...

14 de dec. de 2016

A familia cos Bolechas e o escornabot

Nesta ocasión a mestra Vero e os nenos/as de 1º de E.P. preséntannos un taboleiro para traballar as relacións de parentesco e familiares, xunto coas personaxes dos Bolechas.

13 de dec. de 2016

"Un Nadal de Cine" chega ao CEIP Canosa-Rus.

Ola a tod@s!
Estade moi atentos porque en moi poucos días terá lugar un espectáculo moi pero que moi bonito...o noso Festival " Un Nadal de Cine". Poderedes disfutar de actuacións orixinais interprestadas polo noso alumnado que está traballando moito para que todo saia moi ben, e seguro que así será!
Aproveitando o noso PDI "De espectadores a protagonistas" haberá moitas sorpresas relacioadas co cine, non volo podedes perder! Aquí vos deixamos a invitación para toda a familia e amig@s e desexamos que disfrutedes tanto coma nós deste espectáculo. Grazas pola vosa asistencia!


12 de dec. de 2016

Viaxando co cine

O pasado venres todos os grupos do centro, agás 4º de Educación Infantil, visitamos diferentes espazos adicados ao cine na Coruña dentro da programación do PDI De espectadores a protagonistas, no que aprenderemos sobre distintos aspectos relacionados co cine.

Xogamos e cantamos con Paco Nogueiras

O pasado mércores visitou a biblioteca Paco Nogueiras xunto coa súa maleta chea de contos para os nenos/as de Educación Infantil, por cortesía da Editorial Kalandraka.

2 de dec. de 2016

Venres afumados!

"Un vendedor ambulante chega ao pobo ofrecendo unha extraordinaria mercancia..." Este será o comezo da curta desta semana producida por Primer Frame Escuela de Animación finalista na 27 edición dos premios Goya na categoría de Mellor curtametraxe de animación.

1 de dec. de 2016

O escornabot e o monstro de cores

Proposta de xogo que combina ao escornabot e o libro "O monstro de cores" de Anna Llenas co que traballaredes as emocións a través da robótica. O taboleiro elaborárono as mestras Alba e Alicia xunto cos nenos/as de 5º de Educación Infantil. Xunto coa imaxe do taboleiro tamén incluimos as instrucións do xogo.

DinosauRus premiado!!

Hoxe vén de facerse pública a resolución do III Concurso de Traballo por Proxectos coordinados ou coa participación da biblioteca escolar, na que o PDI DinosauRus, que se desenvolveu durante o pasado curso 2015/2016 no centro, resultou premiado na categoría de Proxectos coordinados desde a biblioteca na temática científica. A información tamén pode consultarse no blogue de Bibliotecas Escolares de Galicia. Aproveitamos para agradecer o traballo que se desempeña desde o Equipo de Asesoría de Bibliotecas Escolares por difundir e dar a coñecer o labor que se desenvolve desde as Bibliotecas Escolares galegas, e en particular polas situadas no rural.

30 de nov. de 2016

Contos, contos e máis contos!

Durante esta semana tivemos tres sesións de contacontos, xa que aos días habituais de "Hoxe lenos..." e "Nais e pais de conto", engadimos o luns outra sesión de contos representados polas familias. Queremos agradecer e felicitar a todas as familias que están a participar nesta edición de "Nais e pais de conto", por axudarnos a fomentar a lectura entre o alumnado do centro. Tamén aproveitamos a ocasión para felicitar aos nenos/as, así como aos seus titores/as, polas obras que están representando os martes en "Hoxe lenos..."

Retratos robot

O pasado 24 de outubro, coincidindo coa apertura de biblioteca e como punto de inicio do PDI De espectadores a protagonistas, os nenos/as de Educación Infantil participaron nun obradoiro no que tiñan que elaborar un retrato compoñendo unha cara con anacos dos rostros de diferentes actores e actrices.

25 de nov. de 2016

Dobre sesión de cine

Hoxe, como xa comentamos na anterior entrada, é 25-N Día Internacional para a eliminación da violencia contra as mulleres. Por este motivo, como todos os venres, programamos "Os venres son curt@s", pero nesta ocasión agárdanvos dúas proxeccións.

24 de nov. de 2016

25 N: Día internacional contra a violencia de xénero.

O día 25 de novembro de cada ano celébrase o día internacional contra a violencia de xénero. Para conmemorar esta data , dende Leoteca queremos recomendarvos unhas lecturas tanto en galego como en castelán cas que podemos traballar o tema da coeducación e a igualdade. Os nenos/as de 5º de EP elaboraron un mural para expoñer os libros seleccionados.
Ademáis mañá na hora de ler cotaremos contos temáticos en Leoteca.

Recomendación de Leoteca:

Título : O país dos mandóns. 


Autoras: Rodríguez /Justo ,Paloma/Cristina
Editorial: Ediciones Embora, Coruña 2010
Pepino, Pepone e Pepuccia camiñan polo mundo debuxando no seu mapa os lugares por onde pasan. Estiveron en moitísimos países: o país do revés, o país das chuches, o país da música...e no país dos Mandóns. O seu paso por este país coincidiu cun gran cambio; grazas a Clara, ese lugar feo e triste , coverteuse nun lugar boito e feliz. Dende entón coñécese como O País da Igualdade.

 Título : Artur e Clementina. 
                                Autoras : Adela Turin e Nella Bosnia
                                 Editorial : Kalandraka
Esta é unha historia fabulada que reivindica  rol femenino na sociedade, combate os esteriotipos sexistas e denuncia a discriminación. Porque aínda necesítanse obras sobre de coeducación e igualdade.
Ademáis podedes ver no seguinte enlace unha historia diferente sobre cenicienta.
"La cenicienta que no quería comer perdices"
(Picade enriba da imaxe)
Resultado de imagen de la cenicienta que no quería comer perdices

23 de nov. de 2016

O fogar de Leoteca

Esta semana vimos de rematar a zona taller na que podedes xogar cos escornabot, debuxar, e proximamente crear diferentes obxectos.
A continuación presentámosvos o plano interactivo da biblioteca, que está en proceso de completarse e que vos servirá de guía de acceso.

Contos en familia

A biblioteca acolleu, dentro da actividade de "Hoxe lenos", aos nenos/as de 1º de E.P. representando unha adaptación de "Xela volveuse vampira", unha obra que resultou finalista na edición deste ano do concurso escolar Teatro Lido Xosé Manuel Eirís. Os nenos/as de 2º e 3º de Educación Primaria escoitaron e desfrutaron desta aclamada obra.

20 de nov. de 2016

Recomendación de lectura no mes da ciencia

Como xa sabedes,durante o  mes de novembro a nosa Leoteca e as bibliotecas escolares celebran o mes das ciencias. Dende Leoteca querémoslle facer un guiño as mulleres científicas, centrándonos na vida de Marie Curie. A través do libro Marie Curie da editorial Alba coñeceremos a súa vida e os alumnos/as de 1º e 2º de EP farán unha dramatización  para todo o colexio, un martes , dentro do programa "Hoxe Lenos".

Título: Pequeña & Grande. Marie Curie.
Autora: Sánchez Vegara, Mª Isabel-Frau Isa
Editorial : Alba

"Marie Curie foi a primeira muller Doctora en Ciencias e profesora na Uiversidade de París, ademais e a primeira persoa na historia en recibir dous premios Nobel. Descubriu o radio e o polonio e desarrollou a teoría da radioactividade polo que está considerada a muller máis inspiradora da ciencia moderna."




18 de nov. de 2016

Momentos máxicos

Este venres volven as curtas á biblioteca cunha obra na que comprobaremos que sempre é mellor colaborar na procura dun obxectivo común, que traballar de xeito individual. Divertirédevos moito con esta curtametraxe de Disney - Pixar.

14 de nov. de 2016

Cantos contos!

A semana pasada comezou o programa "Hoxe lenos..." no que diferentes clases do centro contan historias, dramatizan... tendo como espectadores/as a outros grupos. A actividade desenvolverase durante o tempo de hora de ler dos martes.

11 de nov. de 2016

Para os paxaros

"Os venres son curt@s" programa esta semana unha curtametraxe que faranos reflexionar sobre o noso comportamento coas persoas que son diferentes nós. Un xeito divertido de comprobar que todos/as somos diferentes, pero que debemos respectarnos.

8 de nov. de 2016

Xela e os escornabot

A mestra Lucía de 1º de E.P. creou un taboleiro para traballar as emocións a través dos escornabot. Presentámosvos as instrucións e o taboleiro para que xoguedes e aprendades no recuncho "Faino ti mesmo".

7 de nov. de 2016

Que comece a función!


Vía Pixabay Licenza CC0 DP
Neste cartel atoparedes recursos para iniciar a vosa investigación sobre os diferentes aspectos relacionados co cine, dentro do PDI De espectadores a protagonistas.
Buscade no cartel para visitar os diferentes espazos web e os vídeos.

Novembro mes da ciencia en galego

Esta semana comezamos a celebración de "Novembro mes da ciencia en galego" coa exposición nos andeis situados na entrada de Educación Infantil e 1º-2º de E.P. dos escornabots e libros relacionados cos robots e as máquinas.

4 de nov. de 2016

Tempo parcialmente nubrado

Hoxe venres anúnciase tempo parcialmente nubrado na biblioteca, xa que dentro da actividade "Os venres son curt@s" esta semana programamos unha curtametraxe na que se promoven actitudes optimistas, o respecto polos diferentes puntos de vista, aprender a aceptar as características dos demais e as diferencias que poidan existir, entre outros.

31 de out. de 2016

Guía da biblioteca

Esta é a guía da biblioteca escolar, desde onde poderedes acceder ao plano da biblioteca, á clasificación dos fondos, á ubicación das diferentes zonas, así como ás normas xerais e ás particulares de cada recuncho.

28 de out. de 2016

Novidades setembro e outubro


Estas son as novidades da biblioteca dos meses de setembro e outubro.
Na sección de novidades poderedes consultar os novos fondos que se adquiran durante o curso.

Os venres gústannos...

Porque este venres comezamos unha nova actividade na que queremos fomentar a cultura audiovisual e diferentes valores a través de distintas curtametraxes que proxectaremos na biblioteca todos os venres na hora do recreo. Por este motivo nomeamos esta actividade como "Os venres son curt@s".

26 de out. de 2016

Visitamos a BPM "Rego da Balsa"

Os nenos/as de 4º e 6º de Educación Primaria visitaron a B.P.M. Rego da Balsa de Carballo. Durante esta visita coñeceron as instalacións, as diferentes seccións, a clasificación dos fondos, procura de fondos a través de internet, entre outros aspectos.

24 de out. de 2016

Feliz Día da biblioteca!!

Hoxe estamos de festa por partida dobre, por un lado abrimos a nosa biblioteca para que a visitedes nos recreos, por outro tamén celebramos o Día da Biblioteca. Por este motivo e utilizando o pregón de Ledicia Costas para este día os nenos/as de 4º de E.P. realizaron un vídeo co que tamén aproveitamos para dar o pistoletazo de saída ao Proxecto Documental Integrado "De espectadores a protagonistas" que estará adicado ao cine.

22 de out. de 2016

E.A.L., pero isto que é?

BY Peggy_Marco Licenza CC0 DP
O E.A.L. son os nenos/as de 5º e 6º de E.P. que forman parte do Equipo de Axudantes de Leoteca. Estes alumnos/as voluntarios encárganse de xestionar a biblioteca nos recreos da mañá, realizando diversas funcións con autonomía. Cada día un grupo de nenos/as repártense as diferentes zonas existentes na biblioteca. Durante este curso cada grupo terá o nome dun autor/a emblemático da literatura infantil.
Cada un del/as asinou un compromiso que ten unhas contrapartidas pactadas.

20 de out. de 2016

Mochilas listas!

BY ArtsyBee Licenza CC0 DP
Mañá sairán por primeira vez durante o curso as mochilas viaxeiras, iniciando un recorrido polas casas de todas as familias que durará ata o mes de maio.

15 de out. de 2016

Coñece o fogar de Leoteca

Durante esta semana os nenos/as de 6º de E.P. pertencentes ao Equipo de Axudantes de Leoteca (E.A.L.) explicarán ás aulas a organización e funcionamento da biblioteca. As sesións desenvolveranse no propio fogar de Leoteca.

Nesta entrada poderedes consultar o documento no que se explican os aspectos básicos. Se tedes algunha dúbida poderedes solucionalas nestas xornadas de coñecemento da biblioteca.

11 de out. de 2016

Montamos os escornabots

Durante estas semanas estivemos tamén traballando cos escornabots nas aulas e a continuación deixámosvos varios titoriais de montaxe.
Como punto de saída os nenos/as crearon unhas mans robóticas coas que, ademais de coller pequenos obxectos, tamén aproveitaron para darlle algún susto aos seus familiares.

"De espectadores a protagonistas"

Xa temos data para a apertura da biblioteca, e preparádevos, porque será o 24 de outubro, que ademais é o Día da Biblioteca. Estamos organizando  diferentes actividades para conmemorar este día e tamén para dar o pistoletazo de saída ao proxecto deste curso adicado ao cine e que xa ten nome "De espectadores a protagonistas".

5 de out. de 2016

Aprendemos sobre os libros electrónicos

Este curso introducimos desde a biblioteca os libros electrónicos, que como ben sabedes son uns dispositivos de menor tamaño e peso que algúns libros, polo  que pode transportarse con facilidade, e que serven para almacenar milleiros de libros, o que nos permitirá ler en calquer lugar sempre que queiramos. Non pretendemos substituir ao libro tradicional, senón que queremos facilitar outro medio de lectura, ademais de permitir o acceso a este tipo de recurso a todo o alumnado de primaria do centro.

7 de set. de 2016

Leoteca está de volta!

http://www.edu.xunta.es/biblioteca/blog/?q=node/900Leoteca está de volta!
Durante o mes de setembro prepararemos a biblioteca para desenvolver durante o curso as diversas actividades relacionadas coa lectura, co desenvolvemento do PDI sobre o cine, coa investigación e, sobre todo, acoller a toda a comunidade educativa nun espazo no que compartir e colaborar.
Durante este curso a Consellería de Cultura, Educación e Ordenación Universitaria escolleu como lema para este curso "Biblioteca escolar - Territorio de artes" co que se pretende visibilizar os produtos artísticos froito da creatividade humana. O cartel creado este curso po Minia Regos proponnos "un xogo de exploración e aventura". Nos carteis que hai no centro haberá sorpresas agachadas, animámosvos a investigar e a explorar de que se trata.
Queremos tamén facer unha lembranza a Agustín Fernández Paz, que faleceu o pasado 12 de xullo, gran referente da literatura infantil e xuvenil. Quédannos as súas obras, decanse en paz.
Estamos agardánvos!

23 de xuño de 2016

O vindeiro curso

Despois da votación realizada polo alumnado durante a semana pasada entre os tres tema seleccionados, este foi o resultado:

18 de xuño de 2016

Preparando o próximo curso

Durante esta semana o alumnado escolleu entre tres das súas propostas para realizar o Proxecto Documental do próximo curso 2016/2017.

Para motivar o voto, elaboráronse pequenos vídeos promocionais dos posibles temas, a través dun deles aprenderemos o próximo curso. As temáticas son:

17 de xuño de 2016

Non te esquezas de soñar!

Licenza CC0 DP
Esta a guía de lecturas recomendadas polo equipo de biblioteca para o verán.
Agardamos que vos guste e aproveitedes o tempo de lecer para achegarvos a estas ou outras lecturas que sexan do voso agrado. Os libros tamén poden trasladarvos a outros lugares, outros mundos... lembrade!

NON TE ESQUEZAS DE SOÑAR!

16 de xuño de 2016

Coñecendo aos escornabots

Os nenos/as de 5º de E.P. estiveron hoxe coñecendo aos escornabots, que se nos facilitaron desde o Proxecto piloto "Escornabots na biblioteca escolar", do que somos un dos 20 centros seleccionados de Galicia.

11 de xuño de 2016

Un paseo por DinosauRus

Este é o percorrido polo Museo DinosauRus no que o alumnado presentou o traballo que realizaron durante todo o curso a través da exposición "Unha viaxe ao pasado".  Os nenos/as presentaron nos corredores e nas aulas as monografías, debuxos, textos e demais produtos que xurdiron durante o desenvolvemento do PDI DinosauRus.

9 de xuño de 2016

DinosauRus: o T-Rex e o velociraptor


Esta é a videografía que fixeron os nenos/as da aula de 6º de Educación Infantil (5 anos), na que explican o que aprenderon sobre os dinosauros que escolleron para profundizar. O T-Rex e o velociraptor centraron o interese dos nenos/as. Durante este período elaboraron entre toda a clase un conto que tiña como protagonistas a dous dinosauros.

7 de xuño de 2016

DinosauRus: o brachiosauro

A videografía que fixeron os nenos/as da aula de 5º de Educación Infantil (4 anos), na que explican o que aprenderon sobre o dinosauro que escolleron para profundizar, trata neste caso sobre o brachiosauro. Tamén nos ensinan o seu libro máxico e como elaboraron o seu propio dinosauro.
Related Posts Plugin for WordPress, Blogger...