A POLO ÚLTIMO RETO!!!!!

Noraboa aos que seguides acertando os retos que vos propoño!!!! Hai xente que xa abandonou, pero TODOS os que sigades ata o final e acertedes a última pregunta teredes un agasallo. Asi que moito ánimo e sorte para esta pregunta final, que é a máis difícil. Cantos fillos se di que ten Hércules? A sinatura  do libro é 82N GOM tra. Ánimo e a pola derradeira!!!

RECTA FINAL DO RETO DE LEOTECA!!!

Noraboa a todos os que seguides contestando aos retos! Estádelo facendo moi ben, así que moito ánimo, porque xa queda pouco. A pregunya desta semana é a seguinte:
Que quería facer Ladislau na consulta do dentista? Buscade a resposta no libro
82-34
LLU
vam
Como está semana o xoves é festivo, deixámovos ata o martes 22 para contestar. Moito ánimo e sorte.

2º FASE DO RETO DE LEOTECA.

Parabens aos que acertastes a pregunta da semana pasada do Reto de Leoteca. En educación infantil hai catro iconos diferentes. Algúns puxestes sete, pero non é correcto porque había que mirar os que eran DIFERENTES, non contalos todos.

Esta semana a pregunta do reto é a seguinte.
QUE ESTÁ LENDO O ESQUELETO NA PORTADA DO LIBRO " O ESQUELETO"? Unha pista... en vermello tedes que atopar a SIGNATURA 82-34 LLU esq. Moito ánimo e a buscar!!

O RETO DE LEOTECA

Boas, este ano Leoteca quere comprobar se sabemos desenvolverse no seu blogue e na biblioteca, para iso vaivos propoñer neste trimestre unha serie de preguntas. A POLA PRIMEIRA:

CANTOS ICONOS DIFERENTES HAI PARA CATALOGAR OS ICONOS DE INFANTIL?
Tedes ata o 19 de abril para contestar e meter o carnet na caixa do reto de Leoteca.

OS ESCORNABOTS NUN CONCURSO DA ONCE!

Os alumnos/as de 6º de primaria, na materia de valores sociais e cívicos participaron no 34 Concurso da ONCE: "Reinvetemos xunt@s unha escola para tod@s". O obxectivo era elaborar un cartel para traballar a inclusión na escola de todo o alumnado. Est@s sete alumn@s decidiron elaborar un taboeiro de escornabot a modo de cartel no que crearon un xogo con palabras relacionadas coa igualdade. A continuación podedes ver unha explicación de dúas das alumnas que formaron parte deste traballo. Dentro duns días o taboleiro estará dispoñible para xogar no recuncho de "Feito con xeito" da nosa Leoteca.Dentro duns días tamén colgaremos no noso canal de "Canosa Onda" uha entrevista ao alumnado participante . Esperamos que tod@s sigamos disfrutando moito cos escornabots.

Queremos saber!

No panel da audioteca apareceron unhas imaxes cos retratos de varias personaxes relacionadas co mundo da música, pero tamén co cine. Queriamos saber por que apareceron alí, ademais de coñecer quen son eses músicos e actores.

As detectives sacan as lupas

As primeiras detectives puxéronse a investigar na biblioteca para axudar a Leoteca a buscarlle acomodo ás personaxes que se atopan agochadas nos carteis das seccións de libros informativos. Lembrade que tamén vós podedes botarlle unha man a Leoteca e a estes convidados/as a atopar o seu fogar.

Leoteca busca expertos

Leoteca ten un problema! Atopou uns personaxes ocultos na biblioteca, pero ten que atopar os seus fogares, xa que eles/as esqueceron a súa procedencia. Axudádeslle a atopar as películas e libros nos que viven?

Paleontólogas DinosauRus

As primeiras "licenciadas en paleontoloxía" por DinosauRus recibiron os seus carnés de paleontólogas.

Entrega de premios do Certame Literario Escolar Asunción Antelo.

O pasado venres 20 de maio, tivo lugar a entrega dos premios do Certame Literario Escolar Asunción Antelo no concello de Coristanco. O acto contou coa presenza da propia Asunción, que pasou un bo rato  cos premiados/as e co alcalde e a concelleira de Cultura.

Neste Certame participaron todos os centros educativos de Coristanco e as modalidades literarias foron: narrativa, banda deseñada , poesía, cómic e monográfico.

Parabéns a todos e todas os premiad@s e ao alumnado que participou cos seus traballos!

 Para ver a nova no xornal, picade enriba

Só faltan dous adhesivos!

Achégase a entrega dos carnés de paelontólogos/as para os que teñan todos os adhesivos. Nesta ocasión podedes obter o número 5, que é o penúltimo.

A polo adhesivo 4!

Os dinosauros estiveron, e están presentes, en numerosas películas de ciencia ficción, pero aínda que sexa fantasía hai algúns elementos que deberían achegar información veraz ou aproximada ao que foi a realidade.

Paleontólogos DinosauRus

Nova etapa do "pasaporte DinosauRus". Se respondedes ás seguintes preguntas conseguiredes o adhesivo 3 do voso carnet e, se conseguistes os anteriores, xa teredes a metade do voso carné de paleontólogo/a acadado.

Carné paleontólogo DinosauRus

Esta é a segunda pregunta que teredes que responder no pasaporte DinosauRus para obter o adhesivo nº2.

O libro que hai que localizar ten esta signatura:

59

JEF

est

Futuros paleontólogos/as, estades preparados?

Esta é a primeira pregunta que deberedes solucionar e responder no "Pasaporte DinosauRus".

Paleontólogos/as DinosauRus

Queres ter o carné de paleontólogo/a? Atentos a esta entrada que vos explica como conseguilo.

Desde o Equipo de Biblioteca e o Equipo de dinamización das TIC queremos que todos teñades o voso “carné de paleontólogo selado”. Para conseguilo teredes que responder a varias preguntas relacionadas cos dinosauros, e que aparecerán publicadas neste blogue. A información obterédela consultando diferentes libros da biblioteca ou procurando a información en Internet.

Despedimos o ano

A biblioteca pechou o ano coa entrega de premios do Dinoconcurso, dentro do PDI DinosauRus. O venres terá lugar o espectáculo "Dinsons", que representarán os nenos/as do centro. Queremos felicitar a toda a comunidade educativa estas festas e comezar o próximo ano 2016 con novas lecturas e actividades na biblioteca.

FELICES FESTAS!

Solución Dinoconcurso: semana 4

Neste último período tiñades que consultar o libro ¿Y si un estegosaurio...? e atopar a información que vos axudase a responder ás preguntas planteadas.
Hoxe entregaremos os premios aos tres primeiros/as clasificados tras estas catro procuras, ademais aprendistes a atopar libros na biblioteca, a citar as fontes consultadas e a atopar unha información determinada nun libro.

Dinoconcurso: semana 4

Estamos a piques de rematar esta fase do concurso, e todo pode pasar, aínda podedes quedar entre os tres primeiros que recibirán un agasallo pola súa participación.

Solución Dinoconcurso: semana 3

Nesta semana (e pico) tiñades que procurar unha información nun libro da exposición e logo trasladala nun comentario, citando a fonte da que obtiverades estes datos.

Ten moita importancia citar as fontes das que se extraen imaxes, texto ou outro tipo de información.  Debemos ser éticos e responsables, polo tanto recoñecer o labor e o traballo do autor/a. Nesta semana aprendistes a citar un libro ou monografía: primeiro citaredes o autor/a, a continuación o título da obra, seguidamente a editorial e o lugar no que se editou e, por último, o ano desta edición.