SEMANA DA PAZ EN IMAXES

FELIZ DÍA DA PAZ DESDE LEOTECA
30 DE XANEIRO DE 2016

SEMANA DA PAZ NA LEOTECA on PhotoPeach

Hora de ler e "Nais e pais de conto"

Presentamos o calendario da Hora de ler na biblioteca, na que diferentes cursos contarán, cantarán, representarán, recitarán... diferentes historias a outros cursos. Do mesmo xeito tamén incluimos as datas das visitas de familiares do alumnado, dentro do programa "Nais e pais de conto".

Queremos saber máis sobre os paleontólogos

Continuamos co desenvolvemento do PDI DinosauRus, por este motivo, o próximo 12 de febreiro acudirán ao centro catro representantes da Asociación Paleontolóxica galega cos que aprenderemos máis sobre a profesión de paleontólogo. Nas charlas programadas para os diferentes cursos o alumnado poderá interactuar e solucionar as dúbidas que xurdiron neste período de investigación.

Contacontos na Hora de Ler

En Leoteca continúan os contacontos na Hora de Ler. Hoxe, un grupo de nenas de 4º de EP ( Sara, Julia, Sabela, Ana, Aroa e Dalia) " Las mix de 4º", representaron un conto "La Bruja Rechinadientes" para os nenos e nenas de Educación Infantil do noso cole. Prepararon as invitaciós para os compañeiros/as de infantil e foron a invitalos as súas aulas. Os peques escoitaron atentamente a historia que dramatizaron as súas compañeiras e quedaron encantados/as. 

"Las mix de 4º" realizarán esta dramatización para as nenas/os de 1º, 2º  e 4º de EP próximamente!. Grazas por compartir as vosas ilusións e ganas de contar contos !

Pegadas de Paz

Como xa comentamos en anteriores entradas o día 30 de xaneiro conmemórase o día Escolar da non violencia e a paz. Para celebralo facilitamos neste blogue ao profesorado diverso material co que traballar esta temática. Así mesmo quixemos realizar diferentes actividades na propia biblioteca durante esta semana.

De boca en boca!

O pasado mércores continuou a visita de "Nais e pais de conto". Nesta ocasión foi Lucía (nai dun neno de 1º de E.P.) que, caracterizada para  a ocasión como "Soledá", transmitiulle ao carón da lareira, aos nenos/as de 5º e 6º de E.P., diferentes contos de tradición oral da comarca.

A través desta actividade puxemos en contacto diferentes xeracións e ademais quixemos promover a supervivencia destas historias tradicionais que van pasando de boca en boca.

O carteiro que se converteu en carta

Hoxe na Hora de ler os nenos/as de 3º de E.P. realizaron unha función moi especial para o alumnado de 1º e 2º de E.P. na que en primeiro lugar recitaron unhas poesías de diversos autores/as como Gloria Fuertes, Manuel María ou Xosé Neira Vilas.

Grazas e bicos

Con motivo do Festival de Nadal "Dinsons" e o premio obtido no II concurso de traballo por proxectos, quixemos agradecer a toda a comunidade educativa a implicación no desenvolvemento destes Proxectos Documentais Integrados. A través deste vídeo quixemos facer partícipes a todos/as da ledicia polo recoñecemento ao traballo realizado durante o curso, tanto a aquel alumnado, pais/nais e profesorado que continúan vinculados ao centro, como aqueles/as que participaron desta viaxe nalgún momento.

Día Escolar da non violencia e a paz

O próximo 30 de xaneiro, conmemorando o aniversario da morte de Mahatma Gandhi, celebrarase o Día Escolar da non violencia e a paz. Desde a biblioteca queremos sumarnos a esta iniciativa coa montaxe da exposición adicada á temática da non violencia, amizade, solidariedade e os sentimentos, establecendo dous espazos un con libros para prelectores e primeiros lectores e outra zona con obras para lectores autónomos e expertos, e que xa podedes consultar.

Novo ano, mesmas ilusións

Comezamos o ano 2016 presentándovos o artigo que se elaborou desde o equipo de biblioteca, que foi publicado na revista EDUGA, titulado "A biblioteca: o sol que ilumina o centro". Neste artigo relatamos como se desenvolveu o PDI "Rus entre planetas", premiado no II Concurso de traballo por proxectos, no que participou toda a comunidade educativa. Picando na imaxe podedes acceder ao apartado "Boas prácticas" da revista, onde se atopa o documento.

Nuns días tamén publicaremos o vídeo de agradecemento a toda a comunidade educativa que se proxectou no Festival de Nadal "Dinsons".