20 de dec. de 2017

LEOTECA ABRE AS SÚAS PORTAS !

Ola a tod@s!
Leoteca por fin está de volta, despois de andar polo mundo e de traernos unha biblioteca mellorada con novas zonas e moita máis diversión. 
Con esta  aventura temos unha zona maker chamada " Feito con xeito" onde os nosos nenos/as poderán investigar, xogar cos escornabots, con microscopios, mesa de luz, legos e moitas sorpresas máis que xa vos contará Leoteca. Pero onte e hoxe xa houberon alguhas actividades moi interesantes, estade moi atentos/as...

VISITA DUNHA CIENTÍFICA
Onte, martes 19 de decembro comezamos a nosa nova etapa cos nenos/as de 6º de Educación Primaria. Tivemos unha actividade moi especial, unha ex-alumna, Karina visitounos para contarnos en que consiste a súa profesión...é investigadora de mediciña! Está investigando actualmente en Alemaña. Karina estrenou a nova zona "Feito con xeito" co alumnado dun modo moi orixinal, sacando o ADN dun plátano. Os rapaces/as disfrutaron moitísimo. Grazas Karina pola túa visita.


ROMPENDO AS BARRERAS CON COGAMI
Hoxe , mérocres 20 de decembro os nenos/as de 4º de EP  disfrutraron dun obradoiro de robótica e discapacidade con COGAMI. Aprenderon moitas cousiñas e traballaron cos portátiles, ipads, pantalla multitáctil, robots, etc. Moitas grazas a estas monitoras por facernos aprender dun xeito tan divertido!



CASILDA SORPRÉNDENOS NA BIBLIOTECA... E OS REIS TAMÉN!
E pola tarde foron os alumnos/as de educación infatil os que visitaron a nova biblioteca por primeira vez da man dunha meiga chamada Casilda, amiga de Leoteca. Esta meiga visitounos para adiantarnos que Leoteca voltará despois das vacacións e tamén trouxo aos Reis Magos! Foi un día moi emocionante!



E despois de Nadal , cando todo o alumndo xa coñeza  a nova biblio, haberá un día de inauguración para familias e para todas aquelas persoas que fixeron posible esta mellora.
Grazas Leoteca por voltar connosco! Felices festas e ata moi prontiño!






18 de dec. de 2017

Festival " As mil e unha lendas"

Como xa sabedes dende Leoteca estamos levando a cabo o PDI LENDARIO. Por este motivo este ano o noso festival de Nadal está relacionado con contos, lendas, mitos, a nosa cultura e outras temáticas. O festival será o próximo xoves no IES Alfrado Brañas de Carballo, ás 10:00h da mañá. Os nenos/as virán ao colexio de forma normal ás 9:30h e sairan do colexio ás 12:30 horas. Este día xa non hai comedor escolar xa que a xornada será reducida.
Estades todos convidados/as a asistir a ver aos vosos fillos/as. Debedes ser puntuais xa que o
espectáculo comeza ás 10:00h da mañá. Dende o cole gustaríanos darlles as gracias á dirección e conxersería do IES Alfredo Brañas por cedernos o seu salón de actos.Esperamos que vos guste moito todo o que os vosos fillos/as prepararon con ilusión. 
Leoteca deséxavos moi felices festas e que saibades  que está desexando abrir as súas portas para a volta das vacacións!
E a continuación podedes ver a invitación que redactaron oa alumnos/as de 6º de EP. Ata o xoves!



13 de dec. de 2017



                                          Pincha no título  e descubrirás máis sobre os mitos.




6 de dec. de 2017

LENDARIO DE NADAL




A entrada do colexio xa está decorada para recibir o Nadal con moita ilusión. Con motivo destas datas tan especiais os nenos e nenas, coa axuda das familias, construíron formas xeométricas decoradas con personaxes mitolóxicos.  Ademais fixeron un fantástico cabalo de Troia con axuda dunhas mestras.

              


O CABALO DE TROIA
             

1 de dec. de 2017

26 de nov. de 2017

25 de novembro: Leoteca contra a violencia de xénero.

Para conmemorar o día 25 de novembro dende Leoteca propuxemos unha serie de actividades. Traballamos  diferentes lecturas nas aulas relacionadas ca temática e fixemos unha pequena exposición temporal xunto cun mural que elaboraron os alumnos/as de 6º de EP.
Resultat d'imatges de xela volveuse vampira

Tamén volvemos a traballar co libro "Xela voleuse vampira" de Fina Casalderrey, xa coñecido polo noso alumnado.Nesta ocasión os alumnos/as aprenderon a canción que trae este libro ao final e o venres 24, os nenos/as de 2º de EP fixeron unha interpretación teatral adaptada deste libro ( que levaron o ano pasado ao Teatro Lido de Carballo). Ao rematar a actuación , todo o cole cantou a canció que aprenderon durante a semana. Algúns nenos/as de 1º e 6º de EP interpretaron esta canción a linguaxe de signos. Nos seguintes vídeos podedes ver alguhas das imaxes da semana e canción do día 24 de novembro.

E de como se fixo o mural


Tamén queremos deixar un vídeo que nos parece interesante para traballar este tema nas aulas.


24 de nov. de 2017

PROXECTO " RADIO NA BIBLIO"

Ven de publicarse a  Resolución da Dirección Xeral de Centros e Recursos Humanos, de 17 de novembro de 2017, pola que se dá a coñecer a relación dos 20 centros que se integran no proxecto piloto "Radio na biblio", para a introdución da radio nas bibliotecas de centros públicos integrados no Plan de mellora de bibliotecas escolares que matriculan alumnado de infantil, primaria e secundaria, para o curso 2017/2018. O noso centro foi seleccionado! Podedes picar nos seguintes enlaces para ver a Resolución ,a nova no xornal e recursos .
Comezamos unha nova aventura con Leoteca con moita ilusión!


La Voz de Galicia - Edición Carballo

Laboratoiro de radio: Cursos y eventos de radio

15 de nov. de 2017

A CAIXA DE PANDORA

Este foi o resultado da actividade de presentación do proxecto LENDARIO. Dunha caixa de madeira saíron estas obras de arte!!!  Preme no seguinte enlace!



ACTIVIDADE A CAIXA DE PANDORA


3 de nov. de 2017

O PDI LENDARIO chega ao comedor do cole!

A partir do mes de outubro cada día de fin de mes teremos un menú especial relacioado con lugares de lenda. Nesta ocasión aprendimos cousas sobre a lenda do monstro do Lago Ness, de Escocia. 

Por este motivo disfrutamos  dun menú especial  típico de Escocia. Tamén o profe Alberto tocou agaita escocesa e un alumno, Hugo, trouxo información sobre esta lenda e a expuso polo micrófono para todos os compañeiros/as no comedor . Neste vídeo podedes disfrutar dos mellores momentos.


Queremos agradecer as nosas cociñeiras por formar parte do PDI LENDARIO coas súas receitas tan especiais.
                                    Coulibiac                                   Año á escocesa

                                                        Galletas de manteiga

E para este mes de novembro todos a investigar a lenda de Breogán! Que menú teremos a final de mes? 

RADIO NO CEIP CANOSA-RUS: XVII Concurso Escolar de Teatro Lido "Xosé Manuel Eirís"

O noso alumnado na radio...
Alumnos/as de 2º a 6º de educación primaria do CEIP Canosa-Rus participaron na XVII Concurso Escolar de Teatro lido "Xosé Manuel Eirís". Fixérono todos  moi ben e estamos de noraboa xa que os nenos e nenas de 2º de EP " Teatrús"  chegaron á final na súa categoría coa obra " Buscando superheroes".

concurso
Por esta participación o  Concello de Carballo e a Asociación Cultural Telón e Aparte organizadora do Festival Internacional Outono de Teatro, comprácese de convidarnos  xunto a todas/os as/os nenas/os participantes, que este ano foron arredor de 275, ao acto da Final  que terá lugar este domingo 5 de novembro ás 18.00 horas  no auditorio do Pazo da Cultura do Concello de Carballo.

Na final os grupos seleccionados volverán a interpretar os seus fragmentos teatrais e tras unha nova deliberación do xurado, realizarase a entrega de premios aos gañadores. A continuación terá lugar unha chocolatada para todos os participantes que ademais recibirán un diploma .

Moita sorte e lembrade que o importante é participar!

E tamén houbo unha carta en reivindicación por unha  Galicia verde...

Aproveitando a visita á Radio Voz, os nenos e nenas de 2º A quixeron dar a súa opinión do tema dos incendios en Galicia a través dunha carta. Leron esta carta e foi emitida pola Radio e tamén foi publicada no xornal. Grazas a estes alumnos/as por unhas palabras tan sinceras e cheas de razón e sentimento.

No hay texto alternativo automático disponible.

23 de out. de 2017

A BIBLIOTECA ESTÁ DE FESTA


O 24 DE OUTUBRO celébrase o día das bibliotecas. A pesares de que a nosa biblioteca está pechada nós  non quixemos pasar por alto este día.

Resultat d'imatges de imagen mochila viaxeira ceip canosa-rus
Esta semana saíron as mochilas viaxeiras para as casas das nenas e dos nenos! E esperamos que pronto Leoteca abra as súas portas. Estamos a traballar moito para que sexa o máis rápido posible!

Mentras tanto  elaboramos un vídeo entre tod@s no que os nenos e nenas  responderon  a pregunta...
QUE SIGNIFICA PARA TI ESTAR SEN BIBLIOTECA?
Pinchade no seguinte debuxo e descubriredes a resposta!



Os nenos e as nenas de 6º de EP prepararon algo especial para este día, isto é soamente un adianto...


E para rematares recomendamos ver este corto a modo de reflexión.

19 de out. de 2017

Comezamos a investigar!

Hoxe os alumnos /as de 4º e 6º de EP fixeron unha saída moi especial a Carballo. Estes grupos teñen a materia de "Aprender a investigar" e as súas primeiras sesións están enfocadas a aprender como se organiza  Leoteca e tamén como se organizan outras bibliotecas públicas da contorna.

Por este motivo visitaron a biblioteca Rego da Balsa de Carballo. Alí puideron comprobar como se organizan os libros neste lugar, as seccións coas que contan ,os medios técnicos dispoñibles, a duración  dos préstamos... e lles explicaron como acceder a búsqueda de información. A través dun xogo por grupos puidemos comprobar o ben que entenderon como se investiga nos libros desta biblio e comparalo coa nosa Leoteca. Moitas grazas as traballadoras da biblioteca por atendernos tan ben!

Aproveitamos esta saída para levar a cabo unha visita guiada "Derrumbando muros con pintura" por algunhas das pinturas murais de Carballo. Esta visita foi levada a cabo por Patricia Mañana, técnica de turismo do concello de Carballo e Cristina Castro, artista carballesa que participou en Derrumbando muros con pintura. Algunhas destas obras  están relacionados con seres fantásticos e mitolóxicos: mouras, dragón, bosques, etc. e aproveitamos para relacionalo co PDI LENDARIO que estamos a levar a cabo dende Leoteca este curso. Moitas grazas a Patricia e Cristina por esta visita e polo voso traballo!
A continuación podedes ver algunhas das imaxes da xornada!


E lembrade que o vindeiro día 24 de outubro celébrase o  DÏA DA BIBLIOTECA! Estades moi atentos/as, xa que Leoteca nunca deixará de sorprendernos!

18 de out. de 2017




A CAIXA DE PANDORA

Estes días chegaron as portas das aulas unhas caixas cunha nota moi misteriosa.  Sería a Caixa de Pandora?



Ao final os nenos foron atrevidos  e abrírona .               


Na caixa atoparon obxectos relacionados coa mitoloxía: loureiros, mouras, meigas, xacias...





Empezaron a investigar...

CARTA LEOTECA

MITO A CAIXA DE PANDORA





10 de out. de 2017



Regresamos!!!!

O novo proxecto está en marcha!! Os mitos, as lendas e  os contos viaxarán connosco este curso baixo o nome de LENDARIO!!









26 de xuño de 2017

Valoración do curso

Durante o mes de xuño alumnado, profesorado e familias tiveron a oportunidade de participar na avaliación do funcionamento da biblioteca. Nesta entrada vos presentamos os resultados gráficos das respostas presentes nas enquisas e que axudarán a mellorar a programación da biblioteca.

19 de xuño de 2017

Aprendemos con "De espectadores a protagonistas"

Aquí chega o vídeo que elaboraron as aulas de E.I. para presentar o traballo desenvolvido, parte del xa foi proxectado o día da Gala do Festival dos soñadores, titulado "Imos ao cine!".  Tamén incluimos a presentación que fixeron os nenos/as de 6º de E.P. do traballo de investigación que realizaron ao longo do curso, destacar que tanto os guións, como a gravación do vídeo foi realizada integramente polo propio alumnado.

IMOS AO CINE!


AULA DE 6º E.P.


Gustáronvos?

16 de xuño de 2017

Viaxa máis aló das estrelas...

Presentámosvos a guía de lecturas para o verán con recomendacións para todos os niveis de lectura e con tres películas que consideramos interesantes.

6 de xuño de 2017

Gala de entrega de premios

Hoxe celebrouse a Gala de entrega de premios do Festival dos soñadores no Pazo da Cultura de Carballo. Os nenos/as foron os protagonistas da xornada compartindo o seu traballo con alumnado doutros centros e de distintas idades.
Desenvolveron as tarefas necesarias para que todo funcionase correctamente como foi a de acomodadores, realizadores, cámaras, presentación, actuacións, exposicións, coordinación e dirección, o traballo previo está á vosa disposición no blogue do festival. Na retransmisión podedes recuperar algúns destes momentos.

5 de xuño de 2017

Gala Festival dos soñadores

Mañá celebrarase a Gala de entrega de premios do Festival dos soñadores que pon punto final ao PDI De espectadores a protagonistas, que tivo ao cine como centro de interese no Pazo da Cultura de Carballo.

1 de xuño de 2017

Premios do Festival

No mes de maio tivemos un encontro cos nenos/as da E.E.I. Barrionovo (Arteixo) para facerlles o encargo dos premios do Festival dos soñadores. Nesta nova, que redactaron os nenos/as de 4º E.P., accederedes á videoconferencia.

26 de maio de 2017

Finalistas do Festival dos Soñadores

Estamos chegando á recta final do PDI De espectadores a protagonistas. Cumprindo cos prazos establecidos nas bases vense de publicar o listado das curtas finalistas do Festival dos Soñadores no blogue do concurso.
Grazas a todos os nenos/as e aos centros educativos pola súa participación.
Sorte aos finalistas!

19 de maio de 2017

Homenaxe á nosa lingua

Na función de hoxe de Os venres son curt@s presentámosvos unha obra realizada polo alumnado de 1º da ESO do IES As Barxas, titorizado por Luz Beloso, titulada "A muller lamprea IV". Destacamos tamén o guión de Miguel Ángel Alonso Diz, que ademais achega a súa voz.

12 de maio de 2017

Aprendendo a voar

No recreo de hoxe proxectarase "Soar" unha curta realizada por Alyce Tzue na Academy of Art University. Esta obra que foi nominada e galardoada con numerosos premios. Esta obra inspirada no Principiño (A. de Saint-Exupéry) traslada a idea de que se te esforzas o máximo por dar o que tes, ás veces consegues máis do que nunca esperaches.

10 de maio de 2017

A ruta escornabot

O próximo venres 12 de maio realizaremos unha nova parada na ruta escornabot e compartiremos as experiencias cos robots coa B.E. Milladoiro de Malpica.

5 de maio de 2017

Cruzamos xuntos?

Nesta nova edición de "Os venres son curt@s" traemos "Bridge", que foi creada polo animador Tin Chian Tei, con música de Greg Gauba e producida por Human Trips Productions no ano 2010.

28 de abr. de 2017

Coidado coas ondas!

Nesta ocasión presentámosvos a curta de animación "Piper" producida por Pixar e dirixida por Allan Barillaro. Na edición 2016 dos Oscar foi premiada á mellor curtametraxe de animación.

21 de abr. de 2017

Deamos vida aos libros!

O próximo domingo 23 de abril celebrarase o Día do libro, nós queremos comezar a celebralo coa proxección hoxe en "Os venres son curt@s" de "Los fantásticos libros voladores de Mr. Morris Lessmore" dirixida por William Joyce e Brandon Oldenburg. Producida por Moonbot Studios foi premiada en diversos festivais e galardoada co Oscar á mellor curtametraxe de animación na edición de 2011.

17 de abr. de 2017

Gracias nais e pais de conto!

Un trimestre máis queremos agradecer a colaboración das familias na actividade "Naie e pais de conto"cun pequeno agasallo artesanal feito polos nenos/as. Hai familias que xa repetiron e outras que estiveron con nós por primeira vez. Dende Leoteca animámosvos a que sigades participando desta actividade xunto cos vosos fillos/as.
Moitas grazas por participar  e facer disfrutar aos nenos/as coas vosas creacións!










7 de abr. de 2017

Insectos solidarios

Durante o recreo proxectarase na biblioteca unha obra nominada á mellor curta de animación na edición 2015 dos Oscar. Trátase de "Sweet Cocoon" dirixida entre outros por Matéo Bernard e producida por ESMA.

6 de abr. de 2017

Apadriñamento lector

Resultado de imagen de imagen libro amigoEsta semana dende Leoteca puxemos en práctica unha nova actividade de animación á lectura: " O apadriñamento lector". 
Consistiu en que os nenos/as de 4º,5º e 6º de EP tiveron apadriñado a un neno/a de EI durante a  hora de ler do pasado martes. Cada madriña/padriño elexiu un conto para lerlle ao seu afillado/a nun recuncho do patio. Foi unha actividade moi positiva en canto a lectura, motivación e convivencia entre as diferentes aulas do centro  e os nenos/as disfrutaron moitísimo contando e escoitando os contos. Podedes ver as imaxes no seguinte vídeo. 


4 de abr. de 2017

Grazas aos nosos poetas e poetisas


Nesta entrada queremos compartir con vós os poemas que compuxeron os nenos/as do cole durante a Semana da poesía. Lembramos que durante esa semana o alumnado, guiado polos seus titores/as, elaborou uns pareados, que logo escribiu nas follas que compoñen pantalla dixital da biblioteca.
Related Posts Plugin for WordPress, Blogger...