Feira conCIENCIAte: 30 de maio

.

Xa estamos chegando á recta final do noso PDI conCIENCIAte e para iso  estamos preparando no cole a Feira conCIENCIAte. Será o vindeiro xoves 30 de maio de 9:45h a 12:00h. Cada familiar que confirmou asistencia recibirá estes días unha pegatina co nome do grupo no que visitará a feira. É moi importante traer a pegatina ese día. Rogamos puntualidade xa que pecharemos as portas cando comece a actividade.

Desexamos que vos guste moito . As nenas e os nenos están moi ilusionados/as  coa preparación desta feira . Un ano máis grazas pola vosa colaboración e asistencia.

(Invitación elaborada por alumnado do centro)

Se picades no seguinte enlace podedes ver a nova publicada na Voz de Galicia coa información enviada polo alumnado de 6º de EP coa información sobe a Feira.

https://www.lavozdegalicia.es/noticia/carballo/coristanco/2019/05/25/feria-cientifica-solidaridad-cierre-pdi-concienciate-ceip-canosa-rus/0003_201905C25C7992.htm

A BIBLIOTECA ESTÁ DE FESTA

O 24 DE OUTUBRO celébrase o día das bibliotecas. A pesares de que a nosa biblioteca está pechada nós  non quixemos pasar por alto este día.

Esta semana saíron as mochilas viaxeiras para as casas das nenas e dos nenos! E esperamos que pronto Leoteca abra as súas portas. Estamos a traballar moito para que sexa o máis rápido posible!

Mentras tanto  elaboramos un vídeo entre tod@s no que os nenos e nenas  responderon  a pregunta...
QUE SIGNIFICA PARA TI ESTAR SEN BIBLIOTECA?
Pinchade no seguinte debuxo e descubriredes a resposta!

 

Os nenos e as nenas de 6º de EP prepararon algo especial para este día, isto é soamente un adianto...

E para rematares recomendamos ver este corto a modo de reflexión.

Los fantásticos Libros Voladores del Sr Morris Lessmoreon

Xuntos coa lectura

O pasado domingo 2 de abril conmemorouse o Día Internacional do Libro Infantil e Xuvenil, que coincide coa data de nacemento de Hans Christian Andersen.

Semana da poesía

Hoxe comezou a celebración da "Semana da poesía" na que se desenvolveran distintas actividades para conmemorar esta data tan significativa no calendario da nosa biblioteca, como é o 21 de marzo Día Mundial da Poesía promovido pola UNESCO.

A paz comeza co seu desexo

Este foi o título que escolleron para a conmemoración deste ano do Día Escolar da Non Violencia e a Paz os nenos/as de 1º E.P., que culminaba a semana da paz na que o alumnado dos diferentes cursos do centro creou de xeito colaborativo o seu propio "Guernica". Seguindo o modelo facilitado na páxina web Actiludis, cada clase coloreou diferentes partes da obra con ceras brandas de cor negro, branco e gris.

Semana da paz

BY ryo02x2 Licenza CC0 DP

O próximo 30 de xaneiro celebraremos o Día Escolar da Non Violencia  e da Paz no centro, pero comezaremos a preparar a xornada a partir da próxima semana con diversas actividades que se desenvolverán nas aulas e na biblioteca escolar.

"Un Nadal de Cine" chega ao CEIP Canosa-Rus.

Ola a tod@s!

Estade moi atentos porque en moi poucos días terá lugar un espectáculo moi pero que moi bonito...o noso Festival " Un Nadal de Cine". Poderedes disfutar de actuacións orixinais interprestadas polo noso alumnado que está traballando moito para que todo saia moi ben, e seguro que así será!

Aproveitando o noso PDI "De espectadores a protagonistas" haberá moitas sorpresas relacioadas co cine, non volo podedes perder! Aquí vos deixamos a invitación para toda a familia e amig@s e desexamos que disfrutedes tanto coma nós deste espectáculo. Grazas pola vosa asistencia!

DinosauRus premiado!!

Hoxe vén de facerse pública a resolución do III Concurso de Traballo por Proxectos coordinados ou coa participación da biblioteca escolar, na que o PDI DinosauRus, que se desenvolveu durante o pasado curso 2015/2016 no centro, resultou premiado na categoría de Proxectos coordinados desde a biblioteca na temática científica. A información tamén pode consultarse no blogue de Bibliotecas Escolares de Galicia. Aproveitamos para agradecer o traballo que se desempeña desde o Equipo de Asesoría de Bibliotecas Escolares por difundir e dar a coñecer o labor que se desenvolve desde as Bibliotecas Escolares galegas, e en particular polas situadas no rural.

Feliz Día da biblioteca!!

Hoxe estamos de festa por partida dobre, por un lado abrimos a nosa biblioteca para que a visitedes nos recreos, por outro tamén celebramos o Día da Biblioteca. Por este motivo e utilizando o pregón de Ledicia Costas para este día os nenos/as de 4º de E.P. realizaron un vídeo co que tamén aproveitamos para dar o pistoletazo de saída ao Proxecto Documental Integrado "De espectadores a protagonistas" que estará adicado ao cine.

"De espectadores a protagonistas"

Xa temos data para a apertura da biblioteca, e preparádevos, porque será o 24 de outubro, que ademais é o Día da Biblioteca. Estamos organizando  diferentes actividades para conmemorar este día e tamén para dar o pistoletazo de saída ao proxecto deste curso adicado ao cine e que xa ten nome "De espectadores a protagonistas".

Entrega de premios do Certame Literario Escolar Asunción Antelo.

O pasado venres 20 de maio, tivo lugar a entrega dos premios do Certame Literario Escolar Asunción Antelo no concello de Coristanco. O acto contou coa presenza da propia Asunción, que pasou un bo rato  cos premiados/as e co alcalde e a concelleira de Cultura.

Neste Certame participaron todos os centros educativos de Coristanco e as modalidades literarias foron: narrativa, banda deseñada , poesía, cómic e monográfico.

Parabéns a todos e todas os premiad@s e ao alumnado que participou cos seus traballos!

 Para ver a nova no xornal, picade enriba

Poesía sodes vós

Durante esta semana estivemos conmemorando o "Día Internacional da poesía" que terá lugar o próximo 21 de marzo.

Semana da poesía

Con motivo da proximidade do 21 de marzo, día no que se conmemora o Día Mundial da poesía, no centro decidimos que a  próxima semana celebraremos a "Semana da Poesía" con diversas actividades.

SEMANA DA PAZ EN IMAXES

FELIZ DÍA DA PAZ DESDE LEOTECA
30 DE XANEIRO DE 2016

SEMANA DA PAZ NA LEOTECA on PhotoPeach

Pegadas de Paz

Como xa comentamos en anteriores entradas o día 30 de xaneiro conmemórase o día Escolar da non violencia e a paz. Para celebralo facilitamos neste blogue ao profesorado diverso material co que traballar esta temática. Así mesmo quixemos realizar diferentes actividades na propia biblioteca durante esta semana.

Premio para "Rus entre planetas"

"Cando realmente queres unha cousa, todo o Universo conspira para axudarche a conseguila"

P. Coelho

  

A comunidade educativa do CEIP Canosa-Rus está de noraboa, xa que o pasado xoves publicouse a resolución do II concurso de traballo por proxectos, promovido desde a Biblioteca Escolar, no que resultou galardoado, dentro da temática científica, o PDI "Rus entre planetas", no que investigamos e aprendemos máis sobre o Sistema Solar.

Queremos agradecer a implicación e empeño no traballo das diferentes fases tanto do alumnado como das súas familias, así como ao claustro que promoveu e dinamizou o desenvolvemento do proxecto. Sen a participación dalgún deles este éxito non sería posible.

Día Internacional contra a violencia de xénero.

Neste día Leoteca quérevos recomendar unhas historias moi interesantes para traballar nas aulas e nas casas. Pero tamén gustaríalle recordarvos de que todos os días son bos para respectar aos outr@s e tamén son bos para rexeitar a violencia.

O meniño Nito: Entón, os homes chora ou non?
Autor: Sonia Rosa

Os homes choran ou non choran? Ese é o dilema no que se encontra Nito, e que lle trae non poucos problemas até que por fin, coa axuda do Doutor Aymoré, consegue resolver as súas dúbidas. 

Un día de treboada.
Autora: Mª Teresa Mata.

Unha terrible treboada ameaza unha aldea galega. A intervención da nai de Aldara axudará a salvar a situación e provocará importantes cambios nas relacións entre os seus habitantes.

Alfombriña.
Autora: Cristina Ferreirós.
Con Alfombriña, obra ilustrada pola súa propia autora de forma moi orixinal, Cristina Ferreirós móstranos unha historia na que á súa protagonista non lle gusta que lle digan o que ten que facer, ela quere decidir por ela mesma.






Con esta selección de libros  preténdese romper coa tendencia nos contos infantís de asignar roles estereotipados a nenos e nenas, que condicionan a capacidade de soñar sen límites no propio futuro, de imaxinar un mundo de igualdade entre homes e mulleres. 

E hoxe, día 25 de novembro, a profe Vero contoulles un conto a 1º,2º e 4º de Educación Primaria na "Hora de ler". A historia é moi especial e aos nen@s encantoulles: Xela Volveuse vampira.

Xela volveuse vampira.

Autora: Fina Casalderrey

Finalista do Premio Xosé Neira Vilas ao mellor libro infantil do Ano dos             III Premios da Edición de Galicia. Xela é a mellor mestra do mundo! Mais semella unha morta vivente de ollos violeta que pousan acotío no chan. Estarase a volver vampira?

Novembro mes da ciencia en galego

Vía Bibliotecas Escolares de Galicia

Durante o mes de novembro celébrase o "Mes da ciencia en galego nas bibliotecas". Acompañamos a entrada cunha imaxe utilizada pola Xunta de Galicia para promocionar esta celebración durante o mes.

Para nós a biblioteca é...

O pasado venres 23 de outubro celebramos no centro o Día da Biblioteca. Decicimos homenaxear á nosa Leoteca gravando un vídeo no que o alumnado de cada un dos cursos do CEIP Canosa-Rus nos contase que era para eles/as a biblioteca.

A continuación vos presentamos como quedou, agardamos que vos guste.

Día da biblioteca

O próximo sábado 24 de outubro será o Día da Biblioteca, e Leoteca non quere pasar ese día sen unha felicitación. Con este motivo mañá venres 23 os nenos/as do CEIP Canosa-Rus farán a súa homenaxe a este espazo tan importante no centro, que alberga grandes tesouros, estimula a nosa imaxinación e nos axuda na nosa aprendizaxe a través de todo o coñecemento que alberga.

Pero non vos esquezades que a mellor maneira de homenaxeala é mantela viva, chea de lectores/as que acotío utilicen os seus recursos.