19 de xuño de 2019

BOOKTRAILLERS!

Os  nenos e nenas de 5º e 6º realizaron uns booktraillers GRAZAS o recoñecemento  acadado en VOLUNTARIADO DE BIBLIOTECAS. 

6 de xuño de 2019

QUEREMOS UN CAMBIO XA.



O alumnado de 1º, 5º e 6º onte manifestouse en contra do cambio climático. Con slogans, decálogos, obras de teatro ,lectura de biografías de activistas... ACTUEMOS XA!



... mostraron a súa repulsa o pouco interese que se ten polo medio ambiente.

2 de xuño de 2019

FEIRA CONCIENCIATE.

Aquí deixamos  fotos é vídeos de  moitos dos momentos vividos na FEIRA CONCIENCIATE. Grazas por vir!






26 de maio de 2019

CERTAME LITERARIO "ASUNCIÓN ANTELO"

O pasado venres 24 de maio celebrouse no edificio de usos múltiples de Coristanco o acto de entrega de premios do Certame Literario "Asunción Antelo". Neste Certame , como en anos anteriores, participamos todos os colexios do concello en cinco categorías: narrativa, banda deseñada, debuxo, monográfico e poesía. As categorías son as mesmas que no Certame do cole. Queremos felicitar a todo o alumnado que participou en ambos Certames e  animar aos nosos nenos e nanas a que sigan sendo tan creativos .Noraboa!

Se       picades      enriba      do     seguinte      titular      entraredes     na     nova     da       Voz        de       Galicia       sobre      este         tema.

Entregados en Coristanco los premios del certamen Asunción Antelo


22 de maio de 2019

ANTÓN FRAGUAS.-

  • Antón Fraguas é o homenaxeado no día das nosas letras. Para recordalo realizamos diversas actividades desde o EDLG  e desde o de biblioteca:
  • Caricatura do autor.
  • Entrega dun marcapáxinas. 
  • Nun breve acto dramatizouse a súa biografía .
  • Algúns nenos e nenas explicaron algún invento que tiñan nas súas casas: o carro, un chisqueiro...
  • Paralelamente recitáronse poemas da obra mestra de Manuel María e a de Rosalía de Castro.  Tamén cantamos o himno e a canción "O Carro" de "Fuxán os Ventos".
  • Tamén realizamos a entrega de premios do CERTAME LITERARIO, concurso no que os nenos e nenas mostran as súas dotes creativas inventado contos, cómics, poesías, realizando debuxos... neles vese que están empapados de Concienciate . Parabéns!! De agasallo levaron libros e un marcapáxinas realizado co Tinkerdcard por unha nena de 6º.















Visita de María Canosa a Leoteca

Onte tivemos unha visita moi especial en Leoteca para o alumnado de 1º e 2º de EP. Estivo a escritora María Canosa. Veu a falar dos seus libros de poemas "Acuario" e "Acuario2" xa que son os libros que leron os nenos e nenas para esta ocasión. Ademais das preguntas que os rapaces/as expuseron, aproveitamos o momento tamén  para facerlle unha entrevista na nosa Radio Canosa- Onda.  Tamén lle asinou os libros ás nenas e nenos. Moitas grazas María de parte do CEIP Canosa- Rus.Volve pronto!



                                            


   
                                


    









18 de maio de 2019

Feira conCIENCIAte: 30 de maio

.
Xa estamos chegando á recta final do noso PDI conCIENCIAte e para iso  estamos preparando no cole a Feira conCIENCIAte. Será o vindeiro xoves 30 de maio de 9:45h a 12:00h. Cada familiar que confirmou asistencia recibirá estes días unha pegatina co nome do grupo no que visitará a feira. É moi importante traer a pegatina ese día. Rogamos puntualidade xa que pecharemos as portas cando comece a actividade.
Desexamos que vos guste moito . As nenas e os nenos están moi ilusionados/as  coa preparación desta feira . Un ano máis grazas pola vosa colaboración e asistencia.


(Invitación elaborada por alumnado do centro)

Se picades no seguinte enlace podedes ver a nova publicada na Voz de Galicia coa información enviada polo alumnado de 6º de EP coa información sobe a Feira.

Centros seleccionados de Voluntariado de lectura-A (primaria)



O Portal Educativo vén de publicar a Resolución de 7 de maio de 2019, da Dirección Xeral de Centros e Recursos Humanos pola que se resolve a acción integrada no programa  "Bibliotecas Escolares Solidarias" deste curso 2018/2019: Voluntariado de lectura-A (primaria). Participaron un total de 82 centros, dos que se seleccionaron 10 pola calidade e   variedade nas actividades neste ámbito.O noso centro foi un dos seleccionados. Noraboa ao alumnado de 5º e 6º que fan a labor de voluntariado na biblio do noso cole! 

Para acceder a Resolución podedes picar na seguinte imaxe


E se picades enriba da foto podedes acceder á nova da Voz de Galicia relacionada co tema.

7 de maio de 2019

Visita en Leoteca dos servizos de emerxencia

Hoxe tivemos unha visita en Leoteca para o alumnado de 4º de EI a 4º de EP. Viñeron os servizos de emerxencia: un bombeiro de A Coruña e un axente de Protección Civil de Coristanco. Explicáronnos en que consiste o traballo dos bombeiros , como actuar en caso dunha emerxencia e en concreto como actuar en caso de que haxa un incendio no cole. Practicamos o recorrido de evacuación dende as aulas e puideron ver parte do material que se utiliza nos incendios. Aquí podedes ver algunhas imaxes. Grazas pola vosa colaboración!


Related Posts Plugin for WordPress, Blogger...