Saída do PDI Amar o Mar

Boas !

Hoxe os nenos/as de 3ºA, 3º B e 4º de EP puideron desfrutar dunha saída relacionada co PDI Amar o mar. Foron aos seguintes lugares:

• Museo do mar de Caión

 

Cetárea de  Caión.

           

• Praia fósil de Razo.

E contamos ca compañía de Evaristo, un mestre que coñece moi ben toda esta zona e explicounos cousas moi interesantes e ao que lle queremos agradecer a súa compañía no día de hoxe.

Tamén gustaríanos agradecer ao colexio de Razo a súa hospitalidade, xa que puidemos comer no seu pavillón. Foi un día moi especial no que comezamos a nosa andanza polo mundo do mar. Podedes ver un pequeno vídeo a continuación. 

EXPOÑEMOS O QUE SABEMOS AOS NOSOS COMPAÑEIROS E COMPAÑEIRAS.

   Estes días os nenos andiveron visitando as aulas para ver o que traballaron e aprenderon os seus compañeiros co PDI CONCIENCIATE.  Así observaron a evolución dos reloxos, do teléfono ou  do coche, as probas que teñen que superar  para recuperar a preciada radio de Leoteca, a erupción dun volcán, inventos típicos da da nosa terra, mans robóticas e robots, a vida de científicas célebres... Canto saben este peques!

Saída do PDI: conCIENCIAte

Os días 21 e 22 de novembro o alumnado de 1º, 2º 4º, 5º e 6º de EP realizou unha saída para investigar sobre o Proxecto Documental Integrado "conCIENCIAte" que levamos a cabo dende a nosa biblioteca. Visitamos a Casa das Ciencias e o Muncyt. Neste último realizamos diferentes talleres . O alumnado de 1º e 2º participou nun taller de química sinxela, onde aprenderon a diferenciar o que é unha mestura de unha reacción a través de diferentes experimenos.

A continuación podedes ver un vídeo da excursión de 1º e 2º de EP

LEOTECA ABRE AS SÚAS PORTAS !

Ola a tod@s!

Leoteca por fin está de volta, despois de andar polo mundo e de traernos unha biblioteca mellorada con novas zonas e moita máis diversión. 

Con esta  aventura temos unha zona maker chamada " Feito con xeito" onde os nosos nenos/as poderán investigar, xogar cos escornabots, con microscopios, mesa de luz, legos e moitas sorpresas máis que xa vos contará Leoteca. Pero onte e hoxe xa houberon alguhas actividades moi interesantes, estade moi atentos/as...

VISITA DUNHA CIENTÍFICA
Onte, martes 19 de decembro comezamos a nosa nova etapa cos nenos/as de 6º de Educación Primaria. Tivemos unha actividade moi especial, unha ex-alumna, Karina visitounos para contarnos en que consiste a súa profesión...é investigadora de mediciña! Está investigando actualmente en Alemaña. Karina estrenou a nova zona "Feito con xeito" co alumnado dun modo moi orixinal, sacando o ADN dun plátano. Os rapaces/as disfrutaron moitísimo. Grazas Karina pola túa visita.

ROMPENDO AS BARRERAS CON COGAMI
Hoxe , mérocres 20 de decembro os nenos/as de 4º de EP  disfrutraron dun obradoiro de robótica e discapacidade con COGAMI. Aprenderon moitas cousiñas e traballaron cos portátiles, ipads, pantalla multitáctil, robots, etc. Moitas grazas a estas monitoras por facernos aprender dun xeito tan divertido!

CASILDA SORPRÉNDENOS NA BIBLIOTECA... E OS REIS TAMÉN!
E pola tarde foron os alumnos/as de educación infatil os que visitaron a nova biblioteca por primeira vez da man dunha meiga chamada Casilda, amiga de Leoteca. Esta meiga visitounos para adiantarnos que Leoteca voltará despois das vacacións e tamén trouxo aos Reis Magos! Foi un día moi emocionante!

E despois de Nadal , cando todo o alumndo xa coñeza  a nova biblio, haberá un día de inauguración para familias e para todas aquelas persoas que fixeron posible esta mellora.
Grazas Leoteca por voltar connosco! Felices festas e ata moi prontiño!

Comezamos a investigar!

Hoxe os alumnos /as de 4º e 6º de EP fixeron unha saída moi especial a Carballo. Estes grupos teñen a materia de "Aprender a investigar" e as súas primeiras sesións están enfocadas a aprender como se organiza  Leoteca e tamén como se organizan outras bibliotecas públicas da contorna.

Por este motivo visitaron a biblioteca Rego da Balsa de Carballo. Alí puideron comprobar como se organizan os libros neste lugar, as seccións coas que contan ,os medios técnicos dispoñibles, a duración  dos préstamos... e lles explicaron como acceder a búsqueda de información. A través dun xogo por grupos puidemos comprobar o ben que entenderon como se investiga nos libros desta biblio e comparalo coa nosa Leoteca. Moitas grazas as traballadoras da biblioteca por atendernos tan ben!

Aproveitamos esta saída para levar a cabo unha visita guiada "Derrumbando muros con pintura" por algunhas das pinturas murais de Carballo. Esta visita foi levada a cabo por Patricia Mañana, técnica de turismo do concello de Carballo e Cristina Castro, artista carballesa que participou en Derrumbando muros con pintura. Algunhas destas obras  están relacionados con seres fantásticos e mitolóxicos: mouras, dragón, bosques, etc. e aproveitamos para relacionalo co PDI LENDARIO que estamos a levar a cabo dende Leoteca este curso. Moitas grazas a Patricia e Cristina por esta visita e polo voso traballo!

A continuación podedes ver algunhas das imaxes da xornada!

E lembrade que o vindeiro día 24 de outubro celébrase o  DÏA DA BIBLIOTECA! Estades moi atentos/as, xa que Leoteca nunca deixará de sorprendernos!

Aprendemos con "De espectadores a protagonistas"

Aquí chega o vídeo que elaboraron as aulas de E.I. para presentar o traballo desenvolvido, parte del xa foi proxectado o día da Gala do Festival dos soñadores, titulado "Imos ao cine!".  Tamén incluimos a presentación que fixeron os nenos/as de 6º de E.P. do traballo de investigación que realizaron ao longo do curso, destacar que tanto os guións, como a gravación do vídeo foi realizada integramente polo propio alumnado.

IMOS AO CINE!

AULA DE 6º E.P.

Gustáronvos?

Aprendemos con Luz Beloso e o seu alumnado

Hoxe contactamos co IES As Barxas (Moaña) para que o alumnado e a propia Luz Beloso nos contasen a súa experiencia traballando no eido audiovisual desde un centro educativo público. A través de Hangouts Lucía, Xabi, Sira, Noe, Isa, Nerea, Natalia, Claudia e a propia Luz ensináronnos e aconselláronnos sobre os aspectos básicos para producir distintas obras audiovisuais.

Estes coñecementos servirannos para seguir progresando no PDI "De espectadores a protagonistas". Ao final da entrada publicaremos o vídeo ao completo.

Agradecemos encarecidamente a colaboración desinteresada, que mesmo ocopou a súa hora para comer. Grazas e noraboa polo voso traballo!

Compartimos aprendizaxes

Durante esta semana as diferentes aulas do centro explicarán ao resto do alumnado as exposicións que montaron co material relacionado co cine achegado polas familias e polos diferentes documentos froito das investigacións que realizaron durante o primeiro trimestre dentro do PDI "De espectadores a protagonistas".

Que comece a función!

Vía Pixabay Licenza CC0 DP

Neste cartel atoparedes recursos para iniciar a vosa investigación sobre os diferentes aspectos relacionados co cine, dentro do PDI De espectadores a protagonistas.
Buscade no cartel para visitar os diferentes espazos web e os vídeos.

DinosauRus: o brachiosauro

A videografía que fixeron os nenos/as da aula de 5º de Educación Infantil (4 anos), na que explican o que aprenderon sobre o dinosauro que escolleron para profundizar, trata neste caso sobre o brachiosauro. Tamén nos ensinan o seu libro máxico e como elaboraron o seu propio dinosauro.

DinosauRus: o estegosauro

Comezamos a publicación das videografías das aulas coa dos nenos/as da clase de 4º de Educación Infantil (4º E.I.) que nos falarán sobre todo o que aprenderon sobre o estegosauro a través do P.D.I. DinosauRus.

Museo DinosauRus

Hoxe presentamos a exposición "Unha viaxe ao pasado" do museo DinosauRus ás familias dos nenos/as do CEIP Canosa-Rus.

Resumo en imaxes da semana de exposicións nas aulas e corredores.

Despois da semana das exposicións nas aulas e corredores, chegamos a unha conclusión: que divertido é aprender e compartir! Todos os grupos mostraron moito entusiasmo tanto á hora de expoñer os seus materiais ,como á hora de escoitar aos demais. Foi unha oportunidade moi boa para intercabiar experiencias , explicar curiosidades, preguntar dúbidas entre @s nen@s de todo o colexio.

Moitas grazas a todas  ás familias polo material enviado para as exposicións.
Aquí deixamos un resumo en imaxes desta semana.

Semana de exposicións polas aulas e corredores on PhotoPeach

Exposicións de aula: aprendemos dos compañeiros/as

Durante esta semana os nenos/as das diferentes aulas están explicando as exposicións que montaron co material que trouxeron das súas casas para traballar o proxecto e que están utilizando para aprender máis sobre os dinosauros.

Enigma na audioteca

Na audioteca apareceu a fotografía dun compositor contemporáneo, o seu nome é John Williams. Desde o panel animámosvos a investigar máis sobre este autor respondendo ás preguntas:

Como montamos unha exposición?

Mañá venres, as mestras Laura e Cris, realizarán unha presentación ao alumnado na que ademais de aprender sobre os dinosauros tamén o farán sobre o que son os museos, a montaxe dunha exposición e sobre recorridos virtuais. Entre outros os obxectivos son que aprendan a montar a súa propia exposición, así como fomentar a investigación na visita aos museos.

Algúns dos dinosauros que aparecerán son o Triceratops, Allosaurus, Tyrannosaurus, entre outros.
Ao finalizar a sesión entregarase unha "ficha de investigación" coa que poidan lembrar e aplicar o explicado.

Abride ben os ollos! Aparecerán imaxes sorprendentes. Estades preparados para montar a exposición da vosa clase?

Cartel para investigar

Co seguinte cartel pretendemos axudar tanto ao alumnado, como o profesorado, a realizar a procura de información para desenvolver os traballo relacionados co PDI DinosauRus, que ,como sabedes, está dedicado aos dinosauros.