DinosauRus premiado!!

Hoxe vén de facerse pública a resolución do III Concurso de Traballo por Proxectos coordinados ou coa participación da biblioteca escolar, na que o PDI DinosauRus, que se desenvolveu durante o pasado curso 2015/2016 no centro, resultou premiado na categoría de Proxectos coordinados desde a biblioteca na temática científica. A información tamén pode consultarse no blogue de Bibliotecas Escolares de Galicia. Aproveitamos para agradecer o traballo que se desempeña desde o Equipo de Asesoría de Bibliotecas Escolares por difundir e dar a coñecer o labor que se desenvolve desde as Bibliotecas Escolares galegas, e en particular polas situadas no rural.

Novidades setembro e outubro

Estas son as novidades da biblioteca dos meses de setembro e outubro.
Na sección de novidades poderedes consultar os novos fondos que se adquiran durante o curso.

Leoteca está de volta!

Leoteca está de volta!

Durante o mes de setembro prepararemos a biblioteca para desenvolver durante o curso as diversas actividades relacionadas coa lectura, co desenvolvemento do PDI sobre o cine, coa investigación e, sobre todo, acoller a toda a comunidade educativa nun espazo no que compartir e colaborar.

Durante este curso a Consellería de Cultura, Educación e Ordenación Universitaria escolleu como lema para este curso "Biblioteca escolar - Territorio de artes" co que se pretende visibilizar os produtos artísticos froito da creatividade humana. O cartel creado este curso po Minia Regos proponnos "un xogo de exploración e aventura". Nos carteis que hai no centro haberá sorpresas agachadas, animámosvos a investigar e a explorar de que se trata.

Queremos tamén facer unha lembranza a Agustín Fernández Paz, que faleceu o pasado 12 de xullo, gran referente da literatura infantil e xuvenil. Quédannos as súas obras, decanse en paz.

Estamos agardánvos!

Premio para "Rus entre planetas"

"Cando realmente queres unha cousa, todo o Universo conspira para axudarche a conseguila"

P. Coelho

  

A comunidade educativa do CEIP Canosa-Rus está de noraboa, xa que o pasado xoves publicouse a resolución do II concurso de traballo por proxectos, promovido desde a Biblioteca Escolar, no que resultou galardoado, dentro da temática científica, o PDI "Rus entre planetas", no que investigamos e aprendemos máis sobre o Sistema Solar.

Queremos agradecer a implicación e empeño no traballo das diferentes fases tanto do alumnado como das súas familias, así como ao claustro que promoveu e dinamizou o desenvolvemento do proxecto. Sen a participación dalgún deles este éxito non sería posible.

Ledicia Costas premio Nacional Literatura Infantil e Xuvenil

Unha autora galega, Ledicia Costas, vén de ser nomeada premio Nacional de Literatura Infantil e Xuvenil neste ano 2015, grazas a súa obra "Escarlatina, a cociñeira defunta", que ademais está escrita en galego.
Parabéns Ledicia!

Novas aventuras están por chegar!

Magic in a case By Donnie Nunley
Licenza CC BY

Ola nenos/as, dentro de poucos días chegarei para coa miña vara e o meu gorro  máxico para preparar a biblioteca para que podades divertirvos cos libros e coas diversas actividades que temos preparadas.

Esperamos impacientes as vosas visitas.

Concurso Interestelar na semana do día do libro

Fonte: Pixabay
Licenza CC0 PD

Ola nenos/as! A próxima semana celébrase o día do libro, xoves 23 de abril, con este motivo aproveitaremos para entregar os premios do concurso Interestelar que se celebrou durante as pasadas semanas.

Lewis Carroll e máis novidades

Hoxe conmemórase a morte de Charles Lutwidge Dogson, máis coñecido como Lewis Carroll, matemático e escritor, coñecido principalmente por dúas das súas obras "Alicia no país das marabillas" e "Alicia a través do espello".

Aproveitamos a ocasión para presentarvos algunha das novidades presentes na biblioteca e relacionado con este autor temos a obra premiada no 2014, e comentada neste blogue, "Prohibido ler a Lewis Carroll" de Diego Arboleda e Raúl Sagospe como ilustrador.

Temos un novo inquilino... Tom Gates

The Brilliant world of Tom Gates
by Vernon Barford school
Licenza CC BY-NC-SA

Ola rapaces/zas temos novidades na vosa biblioteca, que vos iremos desvelando ao longo destes meses, queremos comezar con esta personaxe chamada Tom Gates, que é un neno enxeñoso, máis ben traveso e con moita, moita imaxinación.