30 de xan. de 2017

Nais e pais de conto!


A semana pasada tivemos un conto para 5º e 6º de primaria. Nesta ocasión a mamá de Aroa (5ºEP) preparou ca nena e coa colaboración doutros membros da nosa comunidade educativa unha historia inventada por elas. A temática foi moi interesante , xa que tratábase dun conto baseado en feitos reais que ocorreorn na zona de Coristanco e a súa contorna e chegaron a desvelar en que ano e como foi construído o noso centro. Todo isto a través dos ollos dunha protagonista chamada Mara. Se queredes ler esta historia, podedes pedirlla a Aroa e pasaredes un rato moi divertido. 

Queremos agradecer unha vez máis a implicación das familias nesta actividade que Leoteca propón co tanta ilusión! Grazas!






A paz comeza co seu desexo

Este foi o título que escolleron para a conmemoración deste ano do Día Escolar da Non Violencia e a Paz os nenos/as de 1º E.P., que culminaba a semana da paz na que o alumnado dos diferentes cursos do centro creou de xeito colaborativo o seu propio "Guernica". Seguindo o modelo facilitado na páxina web Actiludis, cada clase coloreou diferentes partes da obra con ceras brandas de cor negro, branco e gris.

27 de xan. de 2017

Demostremos Tolerantia

Como día previo á celebración do Día Escolar da non violencia e da Paz, proxectamos "Tolerantia" nunha nova edición dos Venres son curt@s. Nesta película de Ivan Ramadan observaremos as consecuencias da guerra e os conflitos entre as persoas. A música é unha creación do grupo bosnio "Mostar Sevdah Reunion".

26 de xan. de 2017

Primeira parada da ruta do escornabot: E.E.I. Barrionovo

Durante a mañá mantivemos unha videoconferencia cos nenos/as e as mestras da E.E.I. Barrionovo (Arteixo) na que compartimos o traballo que estamos a desenvolver cos escornabot.
No seguinte vídeo, realizado pola biblioBN, recóllese o desenvolvemento do encontro.

A ruta escornabot

Mañá xoves os nenos/as de 5º de E.P. compartirán as súas experiencias cos escornabot xunto ao alumnado da E.E.I. Barrionovo (Arteixo), tamén incluída no Proxecto escornabot e que neste curso desenvolven o proxecto "Non somos robots", a través de Skype. Presentarán os diferentes produtos que elaboraron na área de plástica, e nos recreos na biblioteca, durante o primeiro trimestre.

25 de xan. de 2017

As detectives sacan as lupas

As primeiras detectives puxéronse a investigar na biblioteca para axudar a Leoteca a buscarlle acomodo ás personaxes que se atopan agochadas nos carteis das seccións de libros informativos. Lembrade que tamén vós podedes botarlle unha man a Leoteca e a estes convidados/as a atopar o seu fogar.

23 de xan. de 2017

Escornabot turista

Vía pixabay Licenza CC0 DP
A mestra Vero e o alumnado de 1º de E.P. elaboraron un taboleiro para traballar os diferentes tipos de vivenda. Achegamos as instrucións do xogo e o taboleiro, para que poidades xogar tamén na vosa casa.

22 de xan. de 2017

Leoteca busca expertos

Leoteca ten un problema! Atopou uns personaxes ocultos na biblioteca, pero ten que atopar os seus fogares, xa que eles/as esqueceron a súa procedencia. Axudádeslle a atopar as películas e libros nos que viven?

20 de xan. de 2017

Un desexo, unha ilusión...

BY Tomi Mäkitalo Licenza CC BY-SA
Hoxe comezamos a preparación da semana da paz coa proxección da curta "Sadako y las mil grullas de papel" de Roberto Van der Laat e André Infante. Neste vídeo, baseado na biografía de Sadako Sasaki, póñense de manifesto as consecuencias da guerra e das bombas.

17 de xan. de 2017

Semana da paz

BY ryo02x2 Licenza CC0 DP
O próximo 30 de xaneiro celebraremos o Día Escolar da Non Violencia  e da Paz no centro, pero comezaremos a preparar a xornada a partir da próxima semana con diversas actividades que se desenvolverán nas aulas e na biblioteca escolar.

13 de xan. de 2017

A fume de carozo!

Comezamos o ano con esta curtametraxe que nos fará reflexionar sobre a igualdade de xénero. Pensemos sobre a nosa actitude cara outros nenos/as cando estamos xogar nos recreos, ou algunha vez nós mesmos/as sentímonos igual que algún dos protagonistas da historia.

12 de xan. de 2017

Nais e pais de conto!

Esta semana retomamos a programación de "Nais e pais de conto" coa historia que nos contaron a nai e o pai de Cristina (6º E.I.) e Ana (5º E.P.) titulada "O libro dos porcos" de Anthony Browne da editorial Kalandraka. O álbum conta os malos hábitos da familia, ata que a señora Porcón, farta de tanta esixencia, decide marchar da casa.
Related Posts Plugin for WordPress, Blogger...