LEOTECA ESTÁ NA CASA!

Boas a todos/as!

Son Leoteca! Xa levo unha semana sin ver nenos e nenas pola miña casa, pero estou segura de que prono volveredes e estaremos xuntos/as de novo no cole e na biblio!

Mentres tanto xa sabedes... vós quedade na voa casiña tamén !

Se que estes días son un pouco raros , pero sabedes que? Podedes aproveitar esta oportunidade para facer cousas fantásticas! Encantaríame que inventarades moitas historias sobre o que queirades, que leades moitos contos, que escoitedes música, que os portedes ben coa vosas familias e que lles fagades caso eh? Que eu o vexo todo! A partir de hoxe vou a ir poñendo aquí contos que son moi interesantes, e algunha contacontos xa a coñecedes! Estade moi atentos e atentas ao blog!

E non vos esquezades de ler a seguinte entrada na que explico como facer uns acuarios fantásticos!

Aquí vos deixo tamén un aviso de Carpiño e as 10 curtas das que nos fala!

https://www.edu.xunta.gal/centros/ceipcanosarus/system/files/Carpin%CC%83o%20-%20curtas%20sostibles.pdf

NAIS E PAIS DE CONTO

Hoxe retomouse a actividade de nais e pais de conto despois da parada de Nadal. Nesta ocasión tivemos a sorte de contar con dous irmáns, Pablo de 3º A e a súa irmá Ana. Xuntos contáronlle dous contos aos nenos/as de educación infantil e de 3º A.  Os contos foron " Xa vou" e "El pulpo Rufo" que podedes coller en Leoteca. Damos as grazas a Ana por vir ao cole, o alumnado de infantil quedou moi contento. Animamos ás familias a participar nesta actividade, podedes apuntarvos para contar un conto cos vosos fillos e fillas aos cursos que queirades!

MENSAXE DE LEOTECA POLO 25N

O venres pasado recibimos esta mensaxe de Leoteca... estades moi atentas e atentos ao próximo luns!

Montaxe da radio na biblio.

Boas a tod@s!

Despois de un tempiño adquirindo o material e preparando o espazo, esta semana comezamos a montar a radio con Javier, de Rede Espora. Estamos moi content@s xa que os nenos e nenas xa poden empezar a facer as súas primeiras prácticas no mundo da radio. Pero antes de meternos " no aire", Leoteca propuxo unha actividade ás clases que podedes ler na carta que enviou hoxe!

Estes días as nenas e nenos irán coñecendo o que é a radio e levaran a cabo as súas primeiras intervencións. Seguiremos co acondicionamento do espazo para que sexa o máis bonito, funcional e motivador posible.

Neste vídeo podedes ver algunhas das imaxes da montaxe con Javier e o comezo da elección do logo e do nome da nosa radio.

E por fin chegou o gran día, Leoteca está de inauguración!

Como xa sabedes onte, 16 de febreiro,  Leoteca estivo de festa, abriu as súas portas para inaugurar a súa ampliada  e mellorada biblioteca  grazas  a nosa inmersión no Plan Lía 2 e a colaboración da Dirección Xeral de Recursos Humanos e asesorías de bibliotecas. Pola mañá tivemos a inauguración para as autoridades da Xunta que colaboraron coa biblio, membros de asesorías de biblioteca, membros dos CEFORE de Vimianzo e Coruña, director@s e responsables de biblio doutos centros da contorna, os alcaldes de Carballo e Coristanco e concelleiros ,parte da directiva da nosa ANPA e por suposto alumn@s que levaron a  cabo a presentación do acto. Pola tarde puideron disfrutar do mesmo as familias que o desexaron.

Os/as nenos/as foron os auténticos protagonistas deste día , mostraron a biblio, as súas funcións, fixéronlles algunha entrevista aos alí presentes, repartiron agasallos feitos coa impresora 3D con forma da nosa bruxa Leoteca  e estiveron atentos/as  de que todo saíra correctamente. Temos que felicitar ao noso alumnado pola súa labor e ilusión !

Tamén gustaríanos agradecer a asistencia e participación no acto das persoas convidadas.Debemos de dar tamén un agradecemento especial as nosas  cociñeiras do centro pola súa dedicación na elaboración dos pinchos que se puxeron despois do acto. 

Para poder ler as novas e ver os vídeos que publicaron os xornais podedes picar nas seguintes imaxes.

Proximamente colgaremos o vídeo do día neste blogue.

Concurrida puesta de largo de la renovada biblioteca del Canosa-Rus( La Voz de Galica)

Neste enlace  poderedes ver as entrevistas que fixeron os nenos/as ao Director Xeral de Recursos Humanos e ao Xefe Territorial.

/https://www.facebook.com/vozcarballo/videos/1871497026225198/

Neste outro enlace poderedes ver a   de 6º de EP mostrarlle á periodista a biblioteca de xeito espontáneo.

https://www.facebook.com/vozcarballo/videos/1871497729558461/

Montaxe de fotos da presentación as familias.

https://quik.gopro.com/v/l7xbJDC9wt/

Video da actuación que realizou unha nena de 5º cantando " Adeus ríos , adeus fontes" de Rosalía de Castro.

https://www.youtube.com/watch?v=40twM7GKwHQ

Inauguración Leoteca: 16 de febreiro de 2018

O EAL ( Equipo de Apoio de Leoteca) queren recordarvos que o vindeiro 16 de febreiro Leoteca estará de festa. Para isto elaboraron as seguintes invitacións coa técnica do croma que están aprendendo. 

Preparando a inauguración da nosa biblioteca "Leoteca"

Ola a tod@s:

Como xa sabedes o vindeiro 16 de febreiro Leoteca estará de festa, xa que ese día faremos unha inauguración da nova  e remodelada biblioteca, que agora grazas a nosa inmersión no Plan Lía II, conta con novos espazos de investigación e aprendizaxe. 

O día 16 están convidados/as aquelas persoas que formaron parte da creación da nosa mellorada biblio. O acto levarase a cabo  ás 10:30 horas na biblioteca do CEIP Canosa-Rus.

Pola tarde, ás 14:40 h será o turno das familias que desexen coñecer o funcionamento e as novidades de Leoteca.

O EAL ( alumnado de Equipo de Apoio de Leoteca) de 6º de EP , prepararon estes dous trailers como adianto a este día.  Tamén prepararon unhas invitacións coa técnica do Croma que poderedes ver proximamente. Esperemos que disfrutedes moito con estes traballos e esperámosvos o día 16!

Os contacontos de Kalandraka visitaron Leoteca!

A semana pasada, o día 24de xaneiro,  a Editorial Kalandraka visitou Leoteca e os nenos de educación infantil puideron disfrutar de contos como:

"A horta de Simón", "Animais de compañía", "Un máis", "Frederick", "O coelliño branco", "Un becho estraño", "Cores" ou "Piñeiro" entre outras historias, acompañado de música.

Moitas grazas aos nosos amigos de Kalandra! Neste vídeo podedes ve algunhas imaxes da sesión.

Mannequin challenge en Leoteca

O equipo de apoio de Leoteca (EAL) de 6º de EP quere mostrarvos a biblioteca dun xeito un tanto especial!

LEOTECA ABRE AS SÚAS PORTAS !

Ola a tod@s!

Leoteca por fin está de volta, despois de andar polo mundo e de traernos unha biblioteca mellorada con novas zonas e moita máis diversión. 

Con esta  aventura temos unha zona maker chamada " Feito con xeito" onde os nosos nenos/as poderán investigar, xogar cos escornabots, con microscopios, mesa de luz, legos e moitas sorpresas máis que xa vos contará Leoteca. Pero onte e hoxe xa houberon alguhas actividades moi interesantes, estade moi atentos/as...

VISITA DUNHA CIENTÍFICA
Onte, martes 19 de decembro comezamos a nosa nova etapa cos nenos/as de 6º de Educación Primaria. Tivemos unha actividade moi especial, unha ex-alumna, Karina visitounos para contarnos en que consiste a súa profesión...é investigadora de mediciña! Está investigando actualmente en Alemaña. Karina estrenou a nova zona "Feito con xeito" co alumnado dun modo moi orixinal, sacando o ADN dun plátano. Os rapaces/as disfrutaron moitísimo. Grazas Karina pola túa visita.

ROMPENDO AS BARRERAS CON COGAMI
Hoxe , mérocres 20 de decembro os nenos/as de 4º de EP  disfrutraron dun obradoiro de robótica e discapacidade con COGAMI. Aprenderon moitas cousiñas e traballaron cos portátiles, ipads, pantalla multitáctil, robots, etc. Moitas grazas a estas monitoras por facernos aprender dun xeito tan divertido!

CASILDA SORPRÉNDENOS NA BIBLIOTECA... E OS REIS TAMÉN!
E pola tarde foron os alumnos/as de educación infatil os que visitaron a nova biblioteca por primeira vez da man dunha meiga chamada Casilda, amiga de Leoteca. Esta meiga visitounos para adiantarnos que Leoteca voltará despois das vacacións e tamén trouxo aos Reis Magos! Foi un día moi emocionante!

E despois de Nadal , cando todo o alumndo xa coñeza  a nova biblio, haberá un día de inauguración para familias e para todas aquelas persoas que fixeron posible esta mellora.
Grazas Leoteca por voltar connosco! Felices festas e ata moi prontiño!

Festival " As mil e unha lendas"

Como xa sabedes dende Leoteca estamos levando a cabo o PDI LENDARIO. Por este motivo este ano o noso festival de Nadal está relacionado con contos, lendas, mitos, a nosa cultura e outras temáticas. O festival será o próximo xoves no IES Alfrado Brañas de Carballo, ás 10:00h da mañá. Os nenos/as virán ao colexio de forma normal ás 9:30h e sairan do colexio ás 12:30 horas. Este día xa non hai comedor escolar xa que a xornada será reducida.

Estades todos convidados/as a asistir a ver aos vosos fillos/as. Debedes ser puntuais xa que o
espectáculo comeza ás 10:00h da mañá. Dende o cole gustaríanos darlles as gracias á dirección e conxersería do IES Alfredo Brañas por cedernos o seu salón de actos.Esperamos que vos guste moito todo o que os vosos fillos/as prepararon con ilusión. 

Leoteca deséxavos moi felices festas e que saibades  que está desexando abrir as súas portas para a volta das vacacións!
E a continuación podedes ver a invitación que redactaron oa alumnos/as de 6º de EP. Ata o xoves!

O PDI LENDARIO chega ao comedor do cole!

A partir do mes de outubro cada día de fin de mes teremos un menú especial relacioado con lugares de lenda. Nesta ocasión aprendimos cousas sobre a lenda do monstro do Lago Ness, de Escocia. 

Por este motivo disfrutamos  dun menú especial  típico de Escocia. Tamén o profe Alberto tocou agaita escocesa e un alumno, Hugo, trouxo información sobre esta lenda e a expuso polo micrófono para todos os compañeiros/as no comedor . Neste vídeo podedes disfrutar dos mellores momentos.

Queremos agradecer as nosas cociñeiras por formar parte do PDI LENDARIO coas súas receitas tan especiais.

                                    Coulibiac                                   Año á escocesa

                                                        Galletas de manteiga

E para este mes de novembro todos a investigar a lenda de Breogán! Que menú teremos a final de mes? 

RADIO NO CEIP CANOSA-RUS: XVII Concurso Escolar de Teatro Lido "Xosé Manuel Eirís"

O noso alumnado na radio...

Alumnos/as de 2º a 6º de educación primaria do CEIP Canosa-Rus participaron na XVII Concurso Escolar de Teatro lido "Xosé Manuel Eirís". Fixérono todos  moi ben e estamos de noraboa xa que os nenos e nenas de 2º de EP " Teatrús"  chegaron á final na súa categoría coa obra " Buscando superheroes".

Por esta participación o  Concello de Carballo e a Asociación Cultural Telón e Aparte organizadora do Festival Internacional Outono de Teatro, comprácese de convidarnos  xunto a todas/os as/os nenas/os participantes, que este ano foron arredor de 275, ao acto da Final  que terá lugar este domingo 5 de novembro ás 18.00 horas  no auditorio do Pazo da Cultura do Concello de Carballo.

Na final os grupos seleccionados volverán a interpretar os seus fragmentos teatrais e tras unha nova deliberación do xurado, realizarase a entrega de premios aos gañadores. A continuación terá lugar unha chocolatada para todos os participantes que ademais recibirán un diploma .

Moita sorte e lembrade que o importante é participar!

E tamén houbo unha carta en reivindicación por unha  Galicia verde...

Aproveitando a visita á Radio Voz, os nenos e nenas de 2º A quixeron dar a súa opinión do tema dos incendios en Galicia a través dunha carta. Leron esta carta e foi emitida pola Radio e tamén foi publicada no xornal. Grazas a estes alumnos/as por unhas palabras tan sinceras e cheas de razón e sentimento.

A BIBLIOTECA ESTÁ DE FESTA

O 24 DE OUTUBRO celébrase o día das bibliotecas. A pesares de que a nosa biblioteca está pechada nós  non quixemos pasar por alto este día.

Esta semana saíron as mochilas viaxeiras para as casas das nenas e dos nenos! E esperamos que pronto Leoteca abra as súas portas. Estamos a traballar moito para que sexa o máis rápido posible!

Mentras tanto  elaboramos un vídeo entre tod@s no que os nenos e nenas  responderon  a pregunta...
QUE SIGNIFICA PARA TI ESTAR SEN BIBLIOTECA?
Pinchade no seguinte debuxo e descubriredes a resposta!

 

Os nenos e as nenas de 6º de EP prepararon algo especial para este día, isto é soamente un adianto...

E para rematares recomendamos ver este corto a modo de reflexión.

Los fantásticos Libros Voladores del Sr Morris Lessmoreon