21/03/2017

Semana da poesía

Hoxe comezou a celebración da "Semana da poesía" na que se desenvolveran distintas actividades para conmemorar esta data tan significativa no calendario da nosa biblioteca, como é o 21 de marzo Día Mundial da Poesía promovido pola UNESCO.
O alumnado está preparando pareados relacionados co ámbito do cine que posteriormente escribirá nunha das follas que terán a súa disposición durante os recreos na biblioteca. Esta folla de cor branco por un lado e laranxa polo outro deberán dobrala ata formar un cadrado que conterá a súa obra poética. Os alumnos/as do E.A.L encargaranse de axudarvos a realizar esta tarefa de papiroflexia. Estas follas fomarán parte da pantalla dixital, a modo de pixel,  que montaremos nunha das paredes da biblioteca e na que poderemos ler distintas mensaxes, ademais das poesías dos nenos/as.
Os poemas gravaranse coas voces dos seus autores/as para ser emitidos durante a hora de ler da semana que vén.
Nas dúas entradas da biblioteca tedes a exposición de libros de poesía con distintas obras salientables dentro do noso catálogo. Ao mesmo tempo publicamos a guía de recomendacións da "Semana da poesía".





Durante esta semana nas entradas e saídas de clase soarán poesías recitadas ou cancións presentes en películas. Propoñémosvos un xogo, que adiviñedes en que películas aparecen estas sintonías de entrada e saída, se queredes pistas só tedes que solicitalas a través dun comentario.



Anímaste a amar a poesía?

Ningún comentario:

Publicar un comentario

Un blog aliméntase dos teus comentarios, grazas por colaborar con nós.

Related Posts Plugin for WordPress, Blogger...