![](https://blogger.googleusercontent.com/img/b/R29vZ2xl/AVvXsEhvYf3F3ynGRnA55ISNAxZLyh5QwW2rzia55uZE_CpAmxdXiJK_sdpM8p33tnxjExOCAdzY44lOGrYlfieh4gzWHhiEVwsKw303E47s7ziL3uflpAVqLhAweWCpB61iLKLmRaDtEpoyPdZ2/s200/IMAG2642.jpg)
![](https://blogger.googleusercontent.com/img/b/R29vZ2xl/AVvXsEhBu7uDhjjDZZwbhWlcy5j09NsUf0rXPKkMXbWV3b4yieSjU7HAjvQNg03I9rEasD_c9GEhIrR2YSOL0NhC9u2cgMHRP0zge-7_t5TZVg9x5cofc6pFnx9oEO5Hon8IKOgi_ghgja6ypvCt/s200/IMAG2645.jpg)
Cos lemas "Dimo en poesía... e sentirás alegría" e "Nós amamos a poesía" decoramos a entrada á biblioteca, ademais colocamos diversos carteis con poemas de autores/as galegos e españois. Nas entradas mostramos nos andeis libros de poesía adaptados ás diferentes idades.
Durante a semana na hora de ler e nos recreos preparamos diversas actuacións:
![](https://blogger.googleusercontent.com/img/b/R29vZ2xl/AVvXsEhIE3RO-F84mWB3I_kWECKZiazUihyzym_im6bdrvyl__KEpkLS9qjEPq0J9C3OGTaiU95vT5LX0kJYErj9trL4Yw93jAYapEvJUwUP1alHevt0_Rt_fgk0uaQg-Oc2cWjI5MtI1pa6aCq0/s200/IMAG2638.jpg)
O martes 15 o alumnado de E.I. participará no contacontos de Kalandraka, no que Patricia e Álex a través da música trasladarannos por diversos contos da editorial como "Despois da chuvia", "O artista que pintou un cabalo azul", entre outros.
No recreo continuarase co obradoiro de colaxe.
O xoves 17 visitará o centro Paco Nogueiras, por cortesía de Kalandraka, para realizar unha actividade cos nenos/as de 3º e 4º de Educación Primaria relacionada coa reedición de "Cantarolas" de Anisia Miranda e Xosé Neira Vilas.
O venres 18 durante o recreo o alumnado fará unha lectura encadeada de poemas de Manuel María a través do sistema de megafonía do centro.
Ademais animamos ao alumnado a mostrar as obras realizadas tanto de forma escrita, colocándoas nos paneis, como de forma oral, a través da megafonía do centro. Se queredes tamén podedes escribilas nos comentarios desta entrada.
Para rematar ofrecémosvos uns recursos para traballar a poesía:
Queres deixarnos a túa poesía?
Moi bos traballos
ResponderEliminarMoitas grazas polo comentario. Saúdos.
Eliminar