07/11/2016

Novembro mes da ciencia en galego

Esta semana comezamos a celebración de "Novembro mes da ciencia en galego" coa exposición nos andeis situados na entrada de Educación Infantil e 1º-2º de E.P. dos escornabots e libros relacionados cos robots e as máquinas.

Lembrade que neste curso inauguramos o espazo "Faino ti mesmo", no que podedes xogar aprendendo cos escornabots, utilizando os taboleiros que dispoñemos nese recuncho. Tamén hai lapis de cores para debuxar e proximamente incorporaremos algúns materiais novos cos que aprender construíndo.

 
 

No recuncho "Faino ti mesmo" nenos/as doutras clases ensinaranvos a construír aparellos, xoguetes... que ademais de pasar un tempo divertido, serviranvos para aprender diferentes aspectos relacionados coa ciencia.
Estamos esperando as vosas opinións sobre este recuncho e sobre aquelas tarefas que vos gustaría que desenvolveramos nel.
Agardámosvos na biblioteca!

Ningún comentario:

Publicar un comentario

Un blog aliméntase dos teus comentarios, grazas por colaborar con nós.

Related Posts Plugin for WordPress, Blogger...