11/04/2016

A polo adhesivo 4!

Os dinosauros estiveron, e están presentes, en numerosas películas de ciencia ficción, pero aínda que sexa fantasía hai algúns elementos que deberían achegar información veraz ou aproximada ao que foi a realidade.

Para obter o adhesivo 4 deberedes responder as seguintes preguntas, para o que teredes que ver o avance da película "A viaxe de Arlo" dirixida por  Peter Sohn e producida por Pixar. Nesta produción exponse que pasaría se o presunto asteroide que chocou contra a Terra e que acabou cos dinosauros, esquivase o planeta, cambiando a vida que coñecemos actualmente. A historia narra a vida desde o nacemento dun Apatosauro chamado Arlo.
Este é o avance que tedes que ver:


Como xa sabedes o ser humano no coincidíu no tempo cos dinosauros e, segundo unha das teorías da extinción, un meteorito chocou coa Terra, pero neste avance hai un erro e vós tedes que atopalo, aplicando todo o aprendido durante o curso. Como pista facémosvos unha recomendación, que lembredes a exposición que fixo o alumnado de 3ºE.P. no seu corredor.
Ademais a continuación teredes que procurar atopar a información relativa a cando apareceu o homo sapiens.
Polo tanto, estas son as preguntas:

1. Que erro atopas neste avance da película "A viaxe de Arlo"?

2. Hai canto que apareceu o homo sapiens?

Lembrade que podedes solicitar algunha pista a través dos comentarios do blogue.
Sorte a todos/as!

Ningún comentario:

Publicar un comentario

Un blog aliméntase dos teus comentarios, grazas por colaborar con nós.

Related Posts Plugin for WordPress, Blogger...