12 de feb. de 2016

Descubrimos os trilobites!


Hoxe visitaron o centro tres membros da Asociación Paleontolóxica Galega, visitade o seu blogue para atopar máis información. Durante a xornada Antonio, Hugo e Darío transmitiron con entusiasmo en que consiste a profesión de paleontólogo/a, os requisitos que se necesitan para desenvolvela, ademais de realizar obradoiros cos fósiles.

Todos os cursos asistiron a unhas charlas adapatadas ás diferentes idades nas que os nosos convidados ensinaron diversos fósiles, tipos de dinosauros e vexetación, tamén nos axudaron a diferencialos doutras especies mariñas, que non eran dinosauros. Mostraron algunha ferramenta que utilizan para realizar o seu labor e descubrir os fósiles. O alumnado tamén tivo a oportunidade de realizar aquelas preguntas e dúbidas que lles xurdiron durante o proceso de investigación.
A continuación organizáronse uns obradoiros nos que o alumnado participou na creación dun fósil mediante o método de pegada e contrapegada, utilizando as súas mans coa plastilina. Tamén tiveron que completar un dinosauro colocándolle diferentes pezas.
Noutro obradoiro os nenos/as realizaron o seu propio fósil con escaiola, que nas próximas semanas decorarán. Posteriormente participaron na manipulación de auténticos fósiles e de réplicas, mentres Antonio, Darío e Hugo planteábanlles xogos nos que tiñan que adiviñar cal era real e cal réplica, ademais de ir explicando o tipo aos que pertencían e curiosidades de cada un deles.
A xornada foi moi gratificante tanto para o alumnado como para o profesorado, por este motivo, queremos agradecer o compromiso tanto da Asociación Paleontolóxica Galega, como dos membros que participaron na xornada, porque souberon dar unha visión moi dinámica, científica e didáctica do tema, centrando a atención dos nenos/as en todo momento.
Moitas grazas! Agardámosvos de novo para a inauguración do noso museo!
A continuación na presentación comprobaredes o ben que o pasamos e o moito que aprendemos.


Que vos pareceu a vós?

4 comentarios:

  1. Me encanta que todo saliera bien y que los niños y niñas disfrutaran con la actividad.
    Un saludo de parte de toda la asociación.

    ResponderEliminar
  2. Me parece fenomenal que enseñeis a los niños tantas cosas!!!los niños son esponjas!!!

    ResponderEliminar
    Respostas
    1. Ola. Os nenos/as tamén nos ensinan a nós diariamente, tratamos que sexa unha aprendizaxe colaborativa. Grazas polo teu comentario. Saúdos.

      Eliminar

Un blog aliméntase dos teus comentarios, grazas por colaborar con nós.

Related Posts Plugin for WordPress, Blogger...