SEMANA DA PAZ CON LEOTECA

Leoteca deixounos unha carta a cada clase o pasado venres para invitarnos a celebrar o día da Paz e non violencia dun xeito moi especial: xogando coa diversidade e tamén investigando sobre persoas que gañaron o Premio Nobel da Paz en diferentes campos. Estade moi atent@s a todas as cousiñas que iremos facendo esta semana.Iremos colgando fotos e vídeos das diferentes actividades.

Aquí podedes ler o que dicía Leoteca na carta. 

Ola nenas e nenos! 

Son Leoteca! Estou aquí para contarvos unha cousa moi importante, sabedes que día se celebra a próxima semana?

Pois o día 30 de xaneiro celébrase o DÍA ESCOLAR DA PAZ E  A DA NON VIOLENCIA. Xa me enterei que estades a facer unhas mazás moi especiais para poñer na árbore da paz, que divertido! 

A min tamén me gustaría propoñervos unhas actividades moi chulas para realizar no recuncho "Feito con xeito"durante un recreo da próxima semana. Tedes que estar moi atentos ao calendario que vos deixo para saber que día vos toca e fixarvos ben na porta da biblio xa que alí están postas as actividades. Durante a próxima semana na biblio soamente poderedes levar e devolver libros, pero non haberá nin recunchos nin ordenadores. 

Espero que disfrutedes moito coas miñas sorpresas!

Unha forte aperta!

LEOTECA

VISITA MÁXICA CON LEDICIA COSTAS

Hoxe  estivo no colexio a escritora LEDICIA COSTAS!! Que visita tan bonita. Falou dos seus libros "A balada dos unicornios" e da "Señorita Bubble". Eses libros que fixeron viaxar os nenos de 4º, 5º e 6º  e que lle permitiron coñecer os inventos máis extrambóticos.  Para recibila elaboraron acrósticos, inventaron a continuación das obras,  crearon murais, construíron coa impresora 3D un agasallo... e ata fixeron unha entrevista na radio. Grazas edicia.

PRENSA

Estamos a experimentar no recuncho creativo

Este curso temos algunha novidade no recuncho “Feito con Xeito”.

Ademáis dos xogos de Lego, de lóxica e xadrez e dos escornabots que xa tivemos o ano pasado, este ano contamos con dous recunchos específicos relacionados co noso PDI conCIENCIAte: o recuncho Einstein dedicado á electricidade (que levaremos a cabo os mércores) e o que da nome ao proxecto (co que se poderá experimentar os venres) no que cada mes iremos facendo diferentes experimentos.

No trimestre pasado experimentamos coa electricidade estática, conseguindo que tubos e globos funcionasen como imáns que atraían a latas e papeis de seda respectivamente.

 

Agora, estamos a experimentar con centro de gravidade… NON É MAXIA…. É CIENCIA.

QUE NON FALTE A ILUSIÓN!!

Feliz 2.019. Con este vídeo queremos agradecer a toda a comunidade educativa a implicación nos nosos proxectos. E a vós, nenos e nenas, felicitarvos polo gran traballo que facedes!!!

conCIENCIAco Nadal

O noso PDI conCIENCIAte está de festas navideñas e por iso todos os nenos e nenas do cole levaron unha bola para decorarala nas súas casas con motivos científicos, inventos, etc. Viñeron cousas moi bonitas que puxemos na nosa árbore de Nadal. Tamén estamos elaborando nas aulas unha postal con luz para aprender a montar un pequeno circuito eléctrico. Mostraremos o resultado das nosas postais proximamente. Esta é a nosa árbore científica.

Ademais dous dos nosos alumnos de 5º e 6º de EP elaboraron  esta invitación para o Festival conCIENCIAte co Nadal que se celebrará o próximo venres 21 de decembro no salón de actos do IES Alfredo Brañas de Carballo. Esperamos que non volo perdades, será un festival moi divertido!

AGASALLA LECTURA NO NADAL!!!

AGASALLA LECTURA!

LEOTECA ESTÁ DE CELEBRACIÓN

Dende o CEIP Canosa-Rus presentámonos a un “Concurso Nacional de Buenas prácticas en centros docentes educativos que impartan enseñanzas no universitarias del sistema educativo español correspondiente al año 2018” na categoría “ Desarrollo de Competencias de Lectoescritura , Audiovisuales y Alfabetizaciones Múltiples”.

Presentámonos co PDI Lendario que foi levado a cabo  dende a biblioteca o curso pasado e do que formaron parte todos/as os alumnos/as , profesorado e toda a comunidade educativa.

O 3 de decembro publicouse a Resolución e informáronnos de que quedamos premiados na nosa categoría. 

Queremos felicitar e dar as grazas a toda a Comunidade Educativa por facer que os nosos Proxectos saian adiante , e sobre todo queremos felicitar ao noso alumnado, xa que sen eles/as non poderíamos facer todo o que facemos.  Grazas e a seguir investigando!

Podedes ver no seguinte enlace a Resolución dos premios ( picade enriba das letras).

Concurso Nacional de Buenas Prácticas en centros docentes.

Un exemplo do que se fai no espazo creativo.

No noso espazo Feito con Xeito os nenos maiores, dentro da materia Aprender a investigar, fedellaron cos dintintos aparatos que alí temos.

Diseñamos para imprimir coa IMPRESORA 3D

Os nenos e nenas de 6º andan a argallar co programa Tinkerdkard deseñando obxectos para imprimir coa IMPRESORA 3D. Estes deseños están relacionados co PDI conCIENCIAte.

Aprendendo primeiros auxilios na biblioteca.-

Dentro da mediña unha profesión moi importante é a de enfermeira. Bea deulle  os nenos e nenas de 5º e 6º unhas pequenas pautas sobre primeiros auxilios. Grazas!


VIDEO PRIMEIROS AUXILIOS.