Visita de María Canosa a Leoteca

Onte tivemos unha visita moi especial en Leoteca para o alumnado de 1º e 2º de EP. Estivo a escritora María Canosa. Veu a falar dos seus libros de poemas "Acuario" e "Acuario2" xa que son os libros que leron os nenos e nenas para esta ocasión. Ademais das preguntas que os rapaces/as expuseron, aproveitamos o momento tamén  para facerlle unha entrevista na nosa Radio Canosa- Onda.  Tamén lle asinou os libros ás nenas e nenos. Moitas grazas María de parte do CEIP Canosa- Rus.Volve pronto!

                                            

   

                                

    

Feira conCIENCIAte: 30 de maio

.

Xa estamos chegando á recta final do noso PDI conCIENCIAte e para iso  estamos preparando no cole a Feira conCIENCIAte. Será o vindeiro xoves 30 de maio de 9:45h a 12:00h. Cada familiar que confirmou asistencia recibirá estes días unha pegatina co nome do grupo no que visitará a feira. É moi importante traer a pegatina ese día. Rogamos puntualidade xa que pecharemos as portas cando comece a actividade.

Desexamos que vos guste moito . As nenas e os nenos están moi ilusionados/as  coa preparación desta feira . Un ano máis grazas pola vosa colaboración e asistencia.

(Invitación elaborada por alumnado do centro)

Se picades no seguinte enlace podedes ver a nova publicada na Voz de Galicia coa información enviada polo alumnado de 6º de EP coa información sobe a Feira.

https://www.lavozdegalicia.es/noticia/carballo/coristanco/2019/05/25/feria-cientifica-solidaridad-cierre-pdi-concienciate-ceip-canosa-rus/0003_201905C25C7992.htm

Centros seleccionados de Voluntariado de lectura-A (primaria)

O Portal Educativo vén de publicar a Resolución de 7 de maio de 2019, da Dirección Xeral de Centros e Recursos Humanos pola que se resolve a acción integrada no programa  "Bibliotecas Escolares Solidarias" deste curso 2018/2019: Voluntariado de lectura-A (primaria). Participaron un total de 82 centros, dos que se seleccionaron 10 pola calidade e   variedade nas actividades neste ámbito.O noso centro foi un dos seleccionados. Noraboa ao alumnado de 5º e 6º que fan a labor de voluntariado na biblio do noso cole! 

Para acceder a Resolución podedes picar na seguinte imaxe

E se picades enriba da foto podedes acceder á nova da Voz de Galicia relacionada co tema.

Visita en Leoteca dos servizos de emerxencia

Hoxe tivemos unha visita en Leoteca para o alumnado de 4º de EI a 4º de EP. Viñeron os servizos de emerxencia: un bombeiro de A Coruña e un axente de Protección Civil de Coristanco. Explicáronnos en que consiste o traballo dos bombeiros , como actuar en caso dunha emerxencia e en concreto como actuar en caso de que haxa un incendio no cole. Practicamos o recorrido de evacuación dende as aulas e puideron ver parte do material que se utiliza nos incendios. Aquí podedes ver algunhas imaxes. Grazas pola vosa colaboración!

Biólog@s para os máis pequenos.

Este venres dous biologos, familiares dunha nena de 4 anos, ensináronlle aos máis pequenos a plantar lentellas e a observar a importancia de lavar as mans a través dun experimento. Grazas!!

VISITA DE ADCOR

Dentro do noso PDI estamos a traballar e a estudar aquelas persoas que investigan a prol do medio ambiente. Os usuarios de ADCOR explícaronlle os nenos de 5º e 6º como reutilizan unha loa publicitaria e a utilizan para facer outros productos. Grazas.

SEMANA DO LIBRO

ao leres irás voando nun paxaro de papel, na folliña dun poema que tiraches do andel, viaxe ao fondo das preguntas: o libro leva a contraria ao “así foi e así será” a toda a rutina diaria pois a lectura é rabuda, descrida e impertinente aprende a desaprender a mirar con outra lente a gozar co máis difícil turrar da porta até que abra entrar no descoñecido beber viño de palabras 

Marilar Aleixandre

Con este texto na nosa mente ollade as actividades que fixemos na semana do libro:

1. Os nenos de  segundo , cuarto e sexto fixeron audiocontos na radio. 

CONTOS GRAVADOS NA RADIO

2. Intercambiamos as nosas lecturas preferidas co colexio Xesús San Luís Romero. Todos fixeron unhas recomendacións fantásticas.Os nenos de primeiro elaboraron códigos QR para mostrar os contos que máis lle gustaron e os de sexto recomendaron libros pola radio .

3. Estrenamos o recuncho escornacontos. No Espazo Feito con Xeito os maiores contaron o conto de Marie Curie e os nenos tiñan que relacionar o que lle contaban cun debuxo e levar o escornabot ata a imaxe correspondente. Para que resultara máis complicado elaboráronse obstáculos cientifícos feitos coa impresora 3D.

4. Os maiores tiveron un afillado ou afillada ao que lle ler un conto.

5. Celébramos a nosa semana coincidindo coa semana do libro de Carballo, que este ano leva de lema REVOLUCIÓN. Algúns cursos puideron desfrutar das distintas actividades.

 

BIBLIOTECA COMPARTIDA.-

        Hoxe  acudiron os nenos e nenas de 5º e 6º  do CPI XOSÉ PICHEL E CEIP AGUALADA para compartir unha xornada cos nosos maiores. Entre outras actividades  os nenos de 5º e 6º  representaron unhas obra de teatro, contaron relataros de Contos por teléfono , presentaron o espazo creativo... Que ben o pasamos!!

Visita da cadela Malibú

Hoxe as nenas e nenos de 1º e 2º de EP tiveron unha visita moi especial na biblioteca. Estivo a cadela Malibú! Esta cadela veu con Adriana e xuntas ensináronnos a importancia de coidar moito aos animais, de non abandonalos, de querelos e mimalos moito, etc. A historia de Malibú ten un final final grazas ás boas persoas que a axudaron e a levaron á Casa Grande de Xanceda que é onde vive actalmente. Moitas grazas  a Adriana e a Malibú! Leoteca invítavos a volver cando queirades!

Dende aquí podedes acceder ao blogue de Mailú

CHARO PITA NA BIBLIOTECA.

         A escritora Charo  Pita formou os nenos de cuarto de primaria en expresión oral. Mediante xogos de voz, poemas dos  escritores e escritoras galegos máis importantes... axudou aos nenos e nenas a adentrarse no mundo do teatro dunha forma máis amena.