11 de mar. de 2020

NAIS E PAIS DE CONTO

A semana pasada tivemos a visita dunha ex-alumna, Aroa, e a súa nai , Mónica, que contaron unha historia inventada por elas sobre a nosa zona do noso colexio  ao alumnado de 5º e 6º de EP. É moi interesante poder escoitar algunhas cousas que son certas sobre como era antes o cole e o lugan onde se atopa. Moitas grazas a Mónica e Arora pola vosa historia!!


HOXE LENOS !



A semana pasada tres alumnas de sexto de EP, Laura, Noa e Sarai,  interpretaron un conto para os seus compañeiros/as de Educación Infantil. Prepararon unha dramatización moi boa do conto coeducativo "Daniela pirata". Moitas gracias a estas compañeiras por traballar tan ben e poñerlle tanta ilusión a este conto que tantos valores ten e que nos demostra que cada persoa pode ser o que soñe e o  que se propoña se hai o esforzo !









2 de mar. de 2020

Intercambio colexios Coristanco.

 O alumnado dos colexios de Agualada, Ceip Xosé Pichel e o noso fixeron un intercambio deportivo.  Nesa convivencia tamén desfrutaron da nosa biblioteca: papiroflexia, lectura, realidade aumentada, impresión 3D, nós mariñeiros ... foron moitas das actividades das que desfrutaron.






26 de feb. de 2020

NAIS E PAIS DE CONTO

O mércores pasado, 19 de febreiro, tivemos unha nova lectura de Kalesi e da súa nai, Mónica. Nesta ocasión leron " O monstruo de cores". 
Tamén trouxeron botes e unhas tarxetas coas cores das emocións . Os nenos e nenas de educación infantil desfrutaron moito deste conto. 
Moitas grazas a Mónica e a Kalesi pola vosa interpretación desta historia! Animamos a todos os familiares que queiran vir a contar algunha historia, conto , crenza popular, etc a Leoteca! As portas están abertas en "Nais e pais de conto".


HOXE LENOS!

O pasado martes 18 de febreiro, en "Hoxe lenos", 3 compañeiras de 4º de EP contáronlle un conto aos nenos/as de 3º e 4º de EP. O conto foi "Medusa se ha vuelto a enfadar". Este conto ten de especial que ten realidade aumentada, é dicir, que á vez que contas o conto podes ver as imaxes na tablet e interactuar cas personaxes. Na nosa biblio, Leoteca, podemos desfrutar de moitos contos con realidade aumentada! Queremos dar as grazas a estas tres compañeiras por lernos e descubrirnos un libro tan bonito da nosa biblio!



19 de feb. de 2020

Noticias de Febreiro no Día a día en Rus

Escoita as últimas noticias da zona. Hoxe, con novidades moi importantes.
NON TE PERDAS O Día a día en Rus.

16 de feb. de 2020

Intercambio de experiencias co CEIP A Cristina o día mundial da radio.

O pasado 13 de febreiro, como xa saberedes, celebrouse o “ Día mundial da radio”. Este mesmo día tivemos a visita de tres compañeir@s do CEIP A Cristina, de 5º de EP  e da súa mestra. Viñeron a gravar un programa de radio en CanosaOnda. Tres alumnas de 6º de EP, Sarai, Laura e Noa explicáronlles como funciona a nosa emisora  e foron as presentadoras do programa especial de humor que podedes escoitar a continuación.


Cando remataron tamén puideron visitar Leoteca da man destas 3 nenas. Foi unha experiencia moi boa para tod@s. Damos as grazas aos compañeiros do CEIP A Cristina pola visita e as nenas de 6º polo boas anfitrionas  que foron!



A meca antroidiña!!


Xa está aquí a meca do antroido cargada de mandatos. Ollade o blogue todos os días para saber o que levar ao colexio.
Eu son a mariñeira do entroido, MECA fágome chamar.


Eu son a mariñeira do entroido, MECA fágome chamar.
Obedece as miñas ordes
se unha catarreira non queres papar e no mar queres traballar.

Luns para a semana ben comezar algo no pescozo deberás levar.
Se o martes queres pásalo ben na escola
deberás traer algo na cachola
O mércores se da casa queres saír algo impermeable debes vestir.
O xoves todo traerás
e na man un barco de papel levarás.










Día mundial da radio: SOMOS DIVERSIDADE



Os centros que temos radio na biblioteca aceptamos un reto: mostrar con verbas que a diversidade é necesaria. Escoitade os nosos nenos de 6º que ben o fixeron. Están de primeiros.

Día mundial da radio

13 de feb. de 2020

NAIS E PAIS DE CONTO


Hoxe en "Nais e pais de contos" tivemos unha visita moi especial dunha ra e un peixe! Viñeron a contarlle un conto, Benxamín, a 1º e 2º de EP.

Queremos dar as gracias dende Leoteca a Mónica e Kalesi pola súa interpretación, aos nenos/as encantoulles !

Seguimos animando ás familias a que participedes nesta actividade. Podedes apuntarvos para contar contos aos grupos que queirades, aínda estades a tempo!

                                                                





Related Posts Plugin for WordPress, Blogger...